Në prag të miqësores Shqipëri – Izrael, e cila do të mbahet sonte në stadiumin “Air Albania” të Tiran&...
SHOWBIZ
Sharon Stone: Babai im më hidhte poshtë shkallëve dhe pastaj më rrihte me rrip
PiranjatPërditësimi i fundit 2 Qershor 2026, 18:48
Aktorja e njohur hollivudiane Sharon Stone ka bërë një rrëfim tronditës për dhunën që ka përjetuar gjatë fëmijërisë nga babai i saj, duke treguar se një përballje e fortë në moshën 14-vjeçare i dha fund abuzimit dhe ndryshoi përgjithmonë marrëdhënien mes tyre.
Në podcastin The Person Who Believed in Me, 68-vjeçarja e përshkroi të atin si një njeri inteligjent, të dhembshur dhe të sofistikuar, por pranoi se ai kishte edhe një anë të errët.
“Babai im ishte një person fantastik, shumë i dhembshur. Ishte i zgjuar, i qetë dhe i sofistikuar. Por ishte edhe abuziv”, u shpreh Stone.
Ajo tregoi se i ati ishte më i ashpër me të sesa me vëllain e saj më të vogël dhe se shpesh ushtronte dhunë fizike ndaj saj.
“Më hidhte nga shkallët dhe më pas hiqte rripin për të më rrahur”, kujtoi aktorja.
Sipas Stone, momenti vendimtar erdhi kur ishte vetëm 14 vjeçe. Pasi babai i saj i bërtiti të zbriste shkallët, ajo vendosi t’i kundërvihej për herë të parë.
“Zbrita shkallët hap pas hapi dhe i thashë: ‘Pse? Duhet të më godasësh përsëri që të ndihesh burrë? Nëse ke nevojë, bëje. Por unë nuk do të të dua më kurrë. Mbarova’”, rrëfeu ajo.
Fjalët e saj, sipas aktores, patën një ndikim të menjëhershëm tek i ati.
“Ai qau. Dhe nuk goditi më kurrë askënd. Gjithçka mbaroi aty. Më pas filluam të flisnim me njëri-tjetrin dhe u afruam shumë”, tha Stone.
Aktorja theksoi se pas atij momenti marrëdhënia mes tyre ndryshoi rrënjësisht, duke u kthyer nga një raport i shoqëruar me dhunë në një lidhje të ngushtë dhe të sinqertë mes babait dhe vajzës.
