Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SHOWBIZ
Vuan nga një sëmundje e rrallë, këngëtarja njofton se i është rikthyer kimioterapisë
PiranjatPërditësimi i fundit 30 Shtator 2025, 13:21
Këngëtarja e njohur me famë botërore, Halsey, ka zbuluar se i është rikthyer trajtimit me kimioterapi për shkak të një sëmundjeje të rrallë autoimune dhe një çrregullimi limfoproliferativ. Në një video të publikuar në TikTok të enjten, artistja 30-vjeçare ndau me fansat përditësime mbi gjendjen e saj shëndetësore, duke folur hapur për përballjen e vazhdueshme me lupus dhe një çrregullim të quajtur “T-cell lymphoproliferative disorder”.
“Sapo bëra edhe disa seanca të tjera me kimioterapi. Ndërkohë kemi përgatitur shfaqjen 'Back to Badlands' dhe do të jetë e pabesueshme. Ditëlindja ime është për disa ditë, por jam aq e zënë sa nuk kam pasur kohë të mendoj për të”, u shpreh këngëtarja, e cila përdor përemrat ajo/ata.
Trajtimi përfshin vendosjen e një pajisjeje të quajtur ‘port-a-cath’, një port i implantuar nën lëkurë që mundëson administrimin e lehtësuar dhe të vazhdueshëm të kimioterapisë.
Çrregullimi limfoproliferativ me të cilin Halsey është diagnostikuar është një gjendje e rrallë ku trupi prodhon qeliza të bardha jonormale në sasi të mëdha, që mund të çojnë në zhvillimin e formave të kancerit si limfoma apo leuçemia. Ajo është gjithashtu e diagnostikuar me lupus sistemik (SLE), dhe ka ndarë më herët edhe diagnoza të tjera si sindroma Ehlers-Danlos, sindroma Sjogren, sindroma e aktivizimit të qelizave mast (MCAS) dhe sindroma POTS.
Në komente, Halsey shtoi se trajtimet ndikojnë ndjeshëm në jetën e saj të përditshme: “Nuk mund të qëndroj në këmbë për një javë ose më shumë. Ju më shihni vetëm mes trajtimeve, kur kam energji. Koha e rikuperimit kalon shpejt, por është e gjatë.”
Pavarësisht këtyre sfidave shëndetësore, këngëtarja është duke u përgatitur për rikthimin në skenë me projektin e ri muzikor “Back to Badlands”, që pritet të jetë një ngritje në karrierën e saj dhe një rikthim emocionues për fansat.
