Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SOCIALE
Diploma universitare që mbeten në sirtare, tregu i punës dhe pagat në Shqipëri pengojnë punësimin e të rinjve në pozicionet e kualifikuara
PiranjatPërditësimi i fundit 15 Tetor 2025, 16:42
Mungesa e fuqisë punëtore mbetet një nga problematikat kryesore që përballen bizneset shqiptare, ndërsa shumë të diplomuar me arsim të lartë nuk gjejnë vend në tregun e punës.
Sipas të dhënave të INSTAT, gjatë vitit 2024, rreth 19 mijë persona me diplomë universitare rezultuan të papunë, nga të cilët afro 13 mijë ishin në moshën 25 deri në 64 vjeç. Megjithatë, krahasuar me vitin 2023, numri i të papunëve me arsim të lartë ka pësuar një rënie, duke zbritur nga 22 mijë në 19 mijë.
Arsyeja kryesore e kësaj situate lidhet me mospërputhjen mes strukturës së arsimit dhe kërkesave reale të tregut të punës. Universitetet shqiptare vazhdojnë të formojnë numër të madh juristësh, ekonomistësh dhe menaxherësh, ndërkohë që bizneset kërkojnë më shumë profesionistë në fushat teknike, inxhinieri, teknologji informative, turizëm dhe zanate të specializuara.
Kjo bën që shumë të diplomuar të mbeten pa punë ose të pranojnë pozicione nën nivelin e kualifikimit të tyre.
Një faktor shtesë që ndikon në situatën e tregut të punës është paga, që, në kushtet e emigracionit masiv, bën që individët të mos pranojnë kontrata afatgjata me punëdhënësit.
Ekspertët e tregut paralajmërojnë se për të përmirësuar këtë situatë, nevojiten reforma të thella në sistemin arsimor dhe një përqendrim më i madh në profesione të kërkuara nga ekonomia reale.
