Ngërçi me pagat në sistemin e drejtësisë ka sjellë edhe bojkotin e parë nga administrata gjyqësore.
Punonjësit...
POLITIKE
“Një deputet na krahasoi me balerinat!”/ Ish-minatori s’i kursen kritikat në Samitin e Diasporës, tentohet t’i merret mikrofoni. Përplasje me Ballën
PiranjatPërditësimi i fundit 14 Prill 2026, 14:30
Një tjetër debat është regjistruar sot në Samitit e Diasporës në Tiranë mes një qytetari të diasporës dhe përfaqësuesve të qeverisë, ku në qendër të përplasjes ka qenë edhe ministri Taulant Balla. Një ish-minator nga Bulqizë ka ngritur kritika të forta ndaj ligjit 7501, të cilin e cilësoi si “ligj kriminal”, duke pretenduar se ai ka sjellë konflikte dhe padrejtësi mbi pronat.
Në përgjigje, Balla ka deklaruar se nisma “Paketa e Maleve” synon pikërisht zgjidhjen e problematikave të trashëguara nga ky ligj, por qytetari ka këmbëngulur se kërkesat e tij për pronat e familjes nuk janë trajtuar.
Gjatë fjalës së tij, ish-minatori ngriti edhe çështjen e statusit të minatorit, të cilin e quajti një premtim të pambajtur prej vitesh. Ai u shpreh se ka punuar në minierën e Bulqizës dhe se minatorët nuk kanë marrë vëmendjen e duhur nga shteti.
Situata u tensionua në disa momente, ndërsa sipas raportimeve, pati përpjekje për t’i ndërprerë fjalën pjesëmarrësit gjatë ndërhyrjes së tij. Qytetari theksoi se diaspora dhe punëtorët që kanë kontribuar për vendin meritojnë më shumë respekt dhe dëgjim nga institucionet.
Minatori: Meqë paketa e maleve është miratuar, kemi pengesa të theksuara nga ligji 7501, sepse ne kemi qenë punë shteti, larg vendlindjes dhe nuk kemi pasur të bëjmë letrat individuale sipas këtij ligji, një ligj kriminal, sepse akoma e sot po vriten bashkëkombësit tanë. Unë jam i ligjit, jam dakord me ligjet e shtetit.
Balla: Paketa e maleve është për të të shpëtuar nga kjo pjesa e 7501
Minatori: Prit se nuk më shpëton dot, sepse unë nuk shkoj në Korab të ndërtoj, por të toka e plakut tim
Minatori: Nuk ma jep komuna i kam bërë kërkesë ka 10 vjet. Kam shkuar tek noteri…
Balla: Nuk ke punë fare tek noteri, shkoni te noteri që tu marrë ndonjë lekë. A do përgjigjen?
Minatori: Do të jap këtë mendim unë ty, duhet një iniciativë…
Balla: Nuk është kohë për mendim, është kohë për përgjigje. Nëse ke në plan të bësh një gjë te toka e gjyshi
Minatori: Nuk do e bëj unë, do ta bëjë djali. Se unë ndërtues në Itali, kam mbaruar
Balla: Shumë mirë atë tokë që ta ka lënë gjyshi, bëj kërkesë në Këshillin Bashkiak, dhe këshilli brenda 30 ditëve do ta miratojë tokën. Mos shko tek noteri. Shko te këshilli bashkiak
Minatori: Dhjetë herë e kam bërë kërkesën
Balla: Nuk e ke bërë kërkesën, ma sill mua se do ta ndjek unë.
Minatori: E dyta, unë kam punuar në minierën e Bulqizës. Nuk u miratua ligji për statusin e minatorit, Është premtuar që në 2013. E kemi përgëzuar dhe e kemi votuar, se Bulqiza ka qene e djathtë. I dhamë votën akoma asgjë. Më e keqja, një deputet i krahasoi minatorët me balerinat e operës, një fyerje e rëndë. Unë shpresoj që këtë mandat do ta jepni statusin, përndryshe…Unë kam ardhur, kam harxhuar lekët. Mos bej debat me ne diasporën, kur të shkosh në televizor bëj debat, jo me ne. Kemi kontribuar për këtë vend.
Moderatori i panelit: Shqetësimi nuk është për te ky panel
Minatori: Nga parlamenti duhen nisma ligjore për ta ndihmuar diasporën nëse keni ndermët ta ndërtoni vendin, sepse nuk e ndërtoni ju por e ndërton diaspora.
