Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SOCIALE
Vaksina për kancerin e qafës së mitrës, pas vajzave kërkesa edhe për djemtë. Ja nga çfarë i mbron
PiranjatPërditësimi i fundit 23 Tetor 2025, 18:02
Pas vajzave, edhe djemtë 13 vjeç në Shqipëri do të nisin të vaksinohen ndaj Human Papiloma Virus, i njohur si shkak i kancerit të qafës së mitrës. Instituti i shëndetit publik deklaron se koha e nisjes së kësaj vaksine tek djemtë është janari i vitit të ri.
“Kemi pasur kërkesë jo vetëm nga vajzat por edhe mamatë e djemve për t’u vaksinuar. Tanimë nuk do të jetë vakinë 4 valente, por 9 valente pra që të mbron ndaj 9 llojeve të HPV”, tha Rovena Daja.
Nëse do të ketë ecuri të mirë ky vaksinim do të shtrihet edhe në moshën 14-20 vjeç tek djemtë. Vaksina ndaj HPV aplikohet para se të rinjtë të kenë nisur marrëdhëniet seksuale pasi kështu ajo siguron një mbrojtje të mirë.
Vajzat të cilat kanë aplikuar vaksinën 4 valente nuk mund të riaplikojnë vaksinën 9 valente. Në fillim kishte hezitim për të aplikuar këtë vaksinë tek vajzat.
“Në Tiranë nuk kemi pasur probleme se këtu vetë prindërit intelektualë, e blinin këtë vaksinë për vajzat e tyre. Kishim hezitim në rethe. Korça për shembull ishte në fillim problem”, u shpreh Rovena Daja për tch.
Vaksinimi ndaj HPV nisi në vitin 2022 tek vajzat 13 vjeçe, më pas u zgjerua fasha moshore në 14-20 vjeç. Çdo vit diagnostikohen 130 raste të reja me kancer të qafës së mitrës në Shqipëri dhe pjesa më e grave e kapin atë ne stade te avancuara.
