Protestës masive që po zhvillohet në kryeqytet po i bashkohen edhe shumë qytetarë nga rrethet.
Një protestues i ardhur nga Vlor...
SPORT
Fundjava e legjionarëve/ Laçi dhe Seferi “shkëlqejnë” në Turqi, Gripshi realizon golin e parë në Rusi
PiranjatPërditësimi i fundit 9 Mars 2026, 12:45
Vijojnë sinjalet pozitive të legjionarëve kuqezi, të cilët falë paraqitjeve të tyre edhe këtë fundjavë,ishin protagonistë me gola dhe asiste për skuadrat respektive.
Qazim Laçi ishte vendimtar për ekipin turk të Rizespor në fitoren 1-0 ndaj Antalyaspor. Mesfushori kuqezi realizoi golin e vetëm të takimit nga pika e penalltisë në minutën e 10-të, duke i dhënë skuadrës së tij tri pikët.
Po në Turqi, një paraqitje shumë të mirë zhvilloi edhe Taulant Seferi në ndeshjen mes Bodrumspor dhe Erokspor, e përfunduar 3-4. Sulmuesi shqiptar realizoi një gol nga pika e penalltisë në fundin e takimit dhe dha asistin për golin e dytë të Bodrumspor.
Protagonist në Rusi ishte edhe Nazmi Gripshi. Mesfushori shqiptar shënoi golin e parë në fitoren 2-1 të Rubin Kazan ndaj Krasnodar, duke realizuar në minutën e 24-t. Në fund të takimit, Gripshi u vlerësua edhe si lojtari më i mirë i ndeshjes.
Gol shënoi edhe Arbnor Muja në fitoren 2-1 të St. Truiden ndaj Cercle Brugge. Futbollisti shqiptar zhbllokoi sfidën në minutën e 24-t, duke realizuar golin e parë për skuadrën e tij.
Titullarë me skuadrat e tyre këtë javë u aktivizuan edhe Thomas Strakosha, Arlind Ajeti, Ardian Ismajli, Kristjan Asllani, Ylber Ramadani, Juljan Shehu, Rey Manaj dhe Myrto Uzuni. Ndërkohë, nga stoli u aktivizuan Berat Gjimshiti dhe Nedim Bajrami, me këtë të fundit që realizoi nga pika e bardhë e penalltisë, një gol që gjithsesi nuk pati vlerë, me Rangers që u eleminua nga kupa e Skocisë, në klasiken ndaj Celtic pas goditjeve të penalltive.
