Edhe banorët e Divjakës, kanë dalë kundër propozimit të mazhorancës, për shkrirjen e bashkisë me bashkinë e ...
SPORT
Futbolli italian në zi, ndahet nga jeta në moshën 66-vjeçare legjenda e Milanit, Franco Baresi
PiranjatPërditësimi i fundit 31 Korrik 2026, 08:27
Ka ndërruar jetë në moshën 66-vjeçare Franco Baresi, një nga mbrojtësit më të mëdhenj në historinë e futbollit italian, ikonë e Milanit dhe e Kombëtares së Italisë. Lajmi u konfirmua nga vetë klubi ku ai kaloi të gjithë karrierën e tij sportive.
Kapiteni legjendar kuqezi dhe i Kombëtares italiane ka qenë disa herë kampion i Evropës dhe i Botës me Milanin, ndërsa me fanellën e Italisë mbetet lojtari i vetëm që ka fituar një vend të parë (pa luajtur), një vend të dytë dhe një vend të tretë në Kampionatet Botërore.
Lajmin e ka dhënë vetë klubi kuqezi përmes kanaleve të tyre zyrtare në rrjetet sociale: “Historia e Milanit është në lot për ndarjen nga jeta të Franco Baresit. Shembulli dhe thellësia e tij do të jenë përgjithmonë, ashtu si fanella e tij me numër 6, pjesë integrale dhe themelore e ADN-së dhe e rrugëtimit të gjithë Klubit. Ngushëllimet që AC Milan i dërgon familjes së Franco Baresit janë të njëjtat që çdo tifoz kuqezi ia bën vetes në një orë kaq të vështirë.”
Pas tërheqjes së tij nga futbolli i luajtur në vitin 1997, Milani vendosi të tërhiqte përgjithmonë fanellën e tij me numër 6. Në vitin 2025 ai ishte operuar për një nodul në mushkëri dhe më e keqja dukej se kishte kaluar, por një rikthim i sëmundjes i rezultoi fatal, duke sjellë përkeqësimin e gjendjes shëndetësore në ditët e fundit, periudhë gjatë së cilës kishin qarkulluar edhe lajme të rreme (fake neës) rreth vdekjes së tij.
La Storia del Milan è in lacrime per la scomparsa di Franco Baresi. Il suo esempio e la sua profondità saranno, per sempre come la sua maglia numero 6, parte integrante e fondamentale del DNA e del cammino di tutto il Club. Le condoglianze che AC Milan porge alla famiglia tutta… pic.twitter.com/a8wNOCUc2o
Simboli i një epoke – Lajmi për ndarjen nga jeta të legjendës kuqezi shënon mbylljen e një epoke për klubin e “Via Aldo Rossi” dhe për të gjithë dashamirësit e futbollit. Baresi përfaqësoi Milanin për mbi njëzet vjet, duke u shndërruar në simbolin e fanellës kuqezi dhe në një pikë referimi për breza të tërë tifozësh. I rritur në sektorin e të rinjve të Milanit, ai veshi vetëm një fanellë gjatë gjithë karrierës së tij profesioniste, duke koleksionuar suksese dhe duke shkruar faqe të paharrueshme të historisë së klubit.
Karriera – Franco Baresi lindi më 8 maj 1960 në Travagliato, në provincën e Breshias, dy vjet pas vëllait të tij Giuseppe, i cili luajti për 16 sezone me Interin. Karriera e tij e gjatë në botë e futbollit nisi që në moshë të vogël, kur u vu re nga Italo Galbiati dhe u afrua në ekipet e moshave të Milanit. Ai debutoi me ekipin e parë në vitin 1978, në moshën 17-vjeçare, në ndeshjen në transfertë kundër Veronës.
I njohur si “Piscinin” (Vogëlushi), ai u shndërrua në “Kaiser Franz” pasi kaloi çdo fazë historike të klubit: nga lavdia e titullit të yllit në vitin 1979, dy vitet në Serie B në fillim të viteve ’80, e deri te legjenda e triumfeve me “të Pavdekshmit” e epokës së Arrigo Saçhi-t dhe “të Pamposhturit” e Fabio Capello-s. Gjithmonë si kapiten, me numrin 6 në shpinë dhe me krahun e ngritur për të sinjalizuar pozicionin jashtë loje të kundërshtarëve. Ai u tërhoq në përfundim të sezonit 1996/97, fiks 20 vjet pas hapave të tij të parë me Milanin.
Baresi dhe Kombëtarja – Në të njëjtën kohë, Franco Baresi ka qenë edhe shtylla kurrizore e Kombëtares italiane. Ndeshja e tij e parë daton në dhjetor të vitit 1982 kundër Rumanisë, në kuadër të kualifikueseve për Euro 1984, por ai ishte thirrur më parë nga Enzo Bearzot për Euro 1980 dhe për Botërorin fitues të vitit 1982 në Spanjë, ku bëri pjesë në grupin historik italian pa zbritur megjithatë në fushë.
Titullar dhe protagonist që nga drejtimi i Azeglio Vicinit, ai ishte lider i grupit të Italisë ’90 që u mbyll me vendin e tretë dhe kapiten në edicionin pasardhës në Shtetet e Bashkuara të Amerikës. Në atë turne, pavarësisht këputjes së meniskut në ndeshjen e dytë kundër Norvegjisë, ai arriti të rikuperohej në mënyrë të mrekullueshme në kohë për finalen kundër Brazilit, ku zhvilloi një paraqitje të jashtëzakonshme, pavarësisht gabimit nga pika e bardhë e penalltisë në serinë përfundimtare që i dha titullin brazilianëve. Në shtator të atij viti u luajt ndeshja e tij e fundit me Kombëtaren, në takimin kualifikues për Euro 1996 kundër Sllovenisë.
Palmaresi – Me Milanin: 6 Kampionate (Serie A), 3 Kupa Evropiane/Champions League, 2 Superkupa të Evropës, 2 Kupa Ndërkontinentale, 2 tituj të Serie B, 4 Superkupa të Italisë dhe 1 Kupë Mitropa.
Me Kombëtaren Italiane: Kampion Bota më 1982, vendi i tretë në Botërorin e vitit 1990 dhe nënkampion Bota në Shtetet e Bashkuara më 1994.
