Kreu i Partisë Demokratike, Sali Berisha, ka zhvilluar në Elbasan “Foltoren e Riprotritjes” së PD-së, ku ka folur për situa...
SPORT
“Hiqni sytë nga Broja”, ish-mbrojtësi i kombëtares: E kemi pritur për 4 vite, duhet të kërkonim një talent si Gruda
PiranjatPërditësimi i fundit 25 Shtator 2026, 18:24
Ish-mbrojtësi i Kombëtares shqiptare, Kreshnik Çipi, ka bërë një deklaratë të fortë në lidhje me Armando Brojën dhe pritshmëritë për rikthimin e sulmuesit në versionin e tij më të mirë.
Çipi beson se pritja për Brojën ka zgjatur mjaftueshëm dhe se Kombëtarja shqiptare duhet të shohë përpara, duke kërkuar alternativa të reja në repartin ofensiv.
Sipas tij, nuk bëhet fjalë për një periudhë të shkurtër pritjeje, pasi prej vitesh Broja është konsideruar si një nga talentet më të mëdha të futbollit shqiptar.
“Historia e Armando Brojës nuk duhet të zgjatet më. Për mua, duhet t’i heqim sytë nga Broja. Nuk është se po gabojmë ne dhe po i presim gjërat shpejt. Nuk kemi një vit, kemi 4 vite që presim Brojën.
Broja nuk po vjen. Madje, pas Botërorit, duhet t’i çonim sytë në katër cepat e botës për të gjetur një talent tjetër, si rasti i Grudës, për shembull.
Broja kishte fatin e madh të luante në Angli, por nuk e shfrytëzoi. Nëse rikthehet, mirë se të vijë, por për mua është shumë e vështirë”, u shpreh Kreshnik Çipi.
Deklarata e ish-mbrojtësit vjen në një moment kur pritshmëritë për Brojën mbeten të larta, por rikthimi i tij në formën që ka treguar më herët vazhdon të jetë një pikëpyetje.
