Kryeministri i Kosovës, Albin Kurti, ka reaguar pas vendimit të Gjykatës Speciale në Hagë ndaj katër ish-krerëve të U&...
SPORT
Humbja në finalen e Superkupës, Xabi Alonso: Të kthejmë faqe, kompeticioni më pak i rëndësishëm për ne
PiranjatPërditësimi i fundit 11 Janar 2026, 23:49
Reali i Madridit humbi një tjetër finale të Superkupës së Spanjës, ndaj rivalëve historikë të Barcelonës. Në sfidën e zhvilluar në Jeddah këtë të dielë, Los Blancos u dorëzuan kundrejt Blaugranave që e mbyllën këtë përballje me rezultatin 3-2 me trajnerin Xabi Alonsoi që gjithsesi vlerësoi lojën e të tijve në këtë superpërballje
‘Të dhemb në çdo mënyrë. Ishte një ndeshje e barabartë, shumë e luftuar me momente për të gjithë. Dhe emocionuese-tha trajneri i Los Blancos për median spanjolle-të mbetet shija e hidhur e rasteve të pastra të humbura, ishim shumë pranë barazimit. Finalja ishte shumë e luftuar, duhet të urojmë Barcelonën. Ndodhën shumë gjëra në 15 minutat e fundit të pjesës së parë. Po e kontrollonim mirë lojën, kishim rastet më të pastra dhe në një humbje të topit pësuam golin e parë. Në pushimin e ndeshjes shkuam 2-2. Pjesa e dytë ishte shumë e rivalizuar’.
Xabi Alonso foli edhe për Vinicius që ishte futbollisti më i mirë në fushën e lojës për Realin e Madridit.
‘Vinicius zhvilloi një ndeshje të madhe, ishte çekuilibrues. Goli ishte i mrekullueshëm bëri më shumë dëme në krahun e majtë. Skuadra punoi shumë dhamë gjithçka, por nuk ishte e thënë sot-shtoi Xabi Alonso
Dhe në fund, Xabi Alonso preferoi të mos i kushtojë shumë rëndësi humbjes dhe kompeticionit.
‘Duhet të kthejmë faqe sa më shpejt të jetë e mundur. është një ndeshje, një kompeticion që e kemi më pak të rëndësishme dhe tani duhet të shohim parë që të rikuperojmë gjendjen shpirtërore sa më shpejt të jetë e mundur’-përfundoi trajneri i Realit të Madridit
