Mariglen Lalës që iu vendos tritol mëngjesin e sotëm rezulton person me precedente kriminale, i akuzuar dhe burgosur për grabitje.
A...
SPORT
Momente frike për Lucescu-n, mjekët e shpëtojnë pas një tjetër infarkti
PiranjatPërditësimi i fundit 3 Prill 2026, 15:52
Momente ankthi për futbollin rumun, teksa ish-trajneri i kombëtares, Mircea Lucescu, është përballur me një situatë të rëndë shëndetësore që ka rrezikuar jetën e tij.
80-vjeçari ka pësuar një atak kardiak pak orë përpara se të linte spitalin universitar në Bukuresht, ku ishte shtruar pas një problemi shëndetësor të ndodhur të dielën e kaluar. Sipas raportimeve nga mediat rumune, ndërhyrja e shpejtë e mjekëve ka qenë vendimtare për të shmangur më të keqen.
Për të stabilizuar gjendjen e tij, stafi mjekësor është detyruar të kryejë tre procedura reanimimi. Aktualisht, Lucescu ndodhet nën kujdes intensiv në urgjencën e spitalit, ku po i nënshtrohet ekzaminimeve të mëtejshme.
Situata u komplikua edhe më tej rreth mesditës, kur ish-tekniku pësoi një tjetër atak kardiak, por edhe këtë herë mjekët arritën ta rikthenin në jetë me sukses. Ngjarja vjen vetëm pak orë pasi Kombëtarja e Rumanisë kishte njoftuar ndarjen me trajnerin, pas dështimit për t’u kualifikuar në Kupa e Botës.
Mircea Lucescu ka një karrierë të gjatë dhe të pasur, ku në vitet ’90 ka drejtuar edhe klube të njohura italiane, përfshirë Inter.
