Erjon Vishkulli, i riu që mbeti i plagosur në sy nga një plumb gome gjatë protestës, ka pësuar hemorragji gjatë ndërhy...
SPORT
Parashikoi 3 kampionët e fundit të Botërorit, ekonomisti gjerman tregon formulën e fituesit të 2026-ës
PiranjatPërditësimi i fundit 23 Maj 2026, 20:15
Ekonomisti gjerman Joachim Klement, i cili parashikoi me sukses fituesit e tre Kupave të fundit të Botës, ka bërë tashmë zgjedhjen e tij për Botërorin 2026 dhe surpriza është e madhe. Sipas modelit të tij statistikor, fituese e turneut të ardhshëm do të jetë Kombëtarja e Holandës.
Klement krijoi formulën e tij në vitin 2014 dhe arriti të parashikonte triumfin e Gjermania në Brazil. Më pas modeli i tij rezultoi sërish i saktë me fitoret e Franca në vitin 2018 dhe Argjentina në Katar 2022. Megjithëse Holanda nuk konsiderohet favorite kryesore nga kompanitë e basteve, ekonomisti beson se “Tulipanët” kanë potencialin për të bërë histori dhe për të fituar trofeun e parë botëror.
Kombëtarja holandeze ka humbur tre finale të Kupës së Botës, në vitet 1974, 1978 dhe 2010. Sipas simulimeve të modelit, Holanda do të ketë një rrugë shumë të vështirë drejt finales. Në fazën eliminatore pritet të përballet me Maroku, Kanadaja dhe më pas me Francën në çerekfinale. Klement parashikon gjithashtu një gjysmëfinale spektakolare mes Holandës dhe Spanja, ndërsa në finale holandezët do të përballen me Portugalinë. Formula e tij bazohet në disa faktorë ekonomikë dhe sportivë, si PBB-ja për frymë, popullsia, temperatura mesatare, renditja në FIFA dhe avantazhi i fushës.
Sipas ekonomistit, kur diferencat mes skuadrave janë të vogla, fati luan rol vendimtar në suksesin e një kombëtareje.
Botërori 2026 do të jetë historik, pasi për herë të parë do të marrin pjesë 48 skuadra dhe turneu do të zhvillohet në Shtetet e Bashkuara të Amerikës, Kanada dhe Meksikë nga 11 qershori deri më 19 korrik.
