Ibrahim Hasan, një anëtar i stafit trajner të kombëtares egjiptiane dhe vëllai i trajnerit Hosam Hasan, ka folur për ndeshjen e ...
SPORT
Senatorja paraguajane sulm ndaj Mbappe, pas ndeshjes Paraguai-Francë, Infantino i del në mbrojtje francezit: Komente raciste, e gjithë bota në krah të Mbappe
PiranjatPërditësimi i fundit 7 Korrik 2026, 13:49
Presidenti i FIFA-s, Gianni Infantino, ka dënuar ashpër komentet raciste të bëra ndaj sulmuesit të Francës, Kylian Mbappé, nga senatorja paraguajane Celeste Amarilla, pas ndeshjes Francë–Paraguaj në Kupën e Botës.
Në një deklaratë zyrtare, Infantino shprehu solidaritetin e plotë me kapitenin e Francës dhe theksoi se futbolli duhet të mbetet një sport i bazuar në respekt dhe barazi.
“Unë dënoj pa asnjë mëdyshje komentet raciste të drejtuara ndaj Kylian Mbappé nga senatorja paraguajane Celeste Amarilla. E gjithë bota e futbollit dhe shoqëria qëndrojnë në krah të kapitenit të Francës. Ne duhet të luftojmë racizmin dhe ta mposhtim atë së bashku”, deklaroi presidenti i FIFA-s.
Ngjarja ndodhi pas fitores 1-0 të Francës ndaj Paraguajit në fazën e 1/16-ave të Kupës së Botës, kur senatorja Amarilla publikoi në rrjetet sociale komente me përmbajtje raciste dhe fyese ndaj Mbappé. Reagimi i saj u dënua menjëherë nga Federata Franceze e Futbollit, autoritetet franceze dhe qeveria e Paraguajit, e cila u distancua nga deklaratat, duke theksuar se ato nuk përfaqësojnë vlerat e vendit apo të popullit paraguajan.
Edhe vetë Mbappé reagoi publikisht, duke e cilësuar senatoren si “një grua të neveritshme dhe të padenjë për postin që mban”, ndërsa theksoi se racizmi nuk duhet të ketë vend as në futboll dhe as në shoqëri.
