Një seri manovrash janë përdorur nga Belinda Balluku, për të përfituar një vilë luksoze me pishinë në një...
SPORT
Votlai paralajmëron Bylisin: Ndeshje e vështirë, por Teuta kërkon fitore
PiranjatPërditësimi i fundit 23 Prill 2026, 14:40
Pas përgatitjeve intensive gjatë javës, Teuta është gati për një tjetër sfidë të rëndësishme në kampionat, këtë herë në transfertë ndaj Bylisit. Një përballje që pritet të jetë e luftuar dhe vendimtare për ecurinë e skuadrës durrsake.
Në prag të këtij takimi, mesfushori Daniel Votlai flet për formën e ekipit, objektivat dhe atë që pret nga kjo ndeshje delikate larg shtëpisë.
Daniel, si po shkon përgatitja e ekipit për ndeshjen e radhës ndaj Bylisit në transfertë?
Po përgatitemi shumë seriozisht. E dimë që do të jetë një ndeshje e vështirë, sidomos në transfertë, por skuadra është e fokusuar dhe po punon fort gjatë javës për të marrë një rezultat pozitiv.
Çfarë prisni nga kjo përballje?
Presim një ndeshje të luftuar. Bylisi është një ekip që në fushën e vet bëhet i fortë dhe kërkon gjithmonë pikë. Ne duhet të jemi të përqendruar nga minuta e parë deri në fund.
Si e vlerësoni formën aktuale të Teutës?
Kemi pasur ulje-ngritje, por mendoj se jemi në rrugën e duhur. Po rritemi si grup dhe po kuptohemi më mirë në fushë. Kjo është shumë e rëndësishme për vazhdimësinë.
Roli juaj në mesfushë sa i rëndësishëm është për këtë ndeshje?
Mesfusha është çelësi i lojës. Duhet të kontrollojmë ritmin, të fitojmë duelet dhe të ndihmojmë si në mbrojtje ashtu edhe në sulm. Do jap maksimumin për ekipin. Sigurisht që synimi është fitorja. Çdo ndeshje e shohim për tre pikët, por në transfertë çdo pikë ka vlerë. Megjithatë, do futemi në fushë për të fituar.
