Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SOCIALE
Shënon rekord të ri historik, ja sa ka arritur çmimi i arit sot
PiranjatPërditësimi i fundit 2 Shtator 2025, 13:48
Çmimet e arit u rritën në një nivel historik të martën, duke kaluar rekordin e mëparshëm të prillit, pas tarifave të Presidentit Donald Trump për “ditën e çlirimit” më 2 prill, në kushtet e një dollari të dobët dhe pritshmërive për një ulje të normës së interesit në SHBA këtë muaj.
Çmimi i arit u rrit me 0.9 për qind në 3,508.70 dollarë për ons gjatë tregtimit në Azi, përpara se të humbiste një pjesë të fitimeve dhe të tregtohej në 3,497 dollarë.
Sipas analistëve, kërkesa për ar është rritur pasi investitorët e shohin atë si një mburojë ndaj inflacionit dhe pasigurive të gjera makroekonomike.
Shqetësimet në rritje për pavarësinë e Rezervës Federale, pas presionit që Trump i ushtroi kryetarit Jay Poëell dhe vendimit për të shkarkuar guvernatoren Lisa Cook, kanë nxitur ecurinë më të fundit të çmimit. Investitorët janë të shqetësuar se inflacioni mund të rritet nëse normat e interesit ulen për shkak të presionit politik.
“Normat më të ulëta të huamarrjes, me rrezikun e nxitjes së inflacionit, po rrisin shumë interesin e investitorëve për momentin,” shtoi Daniel Hynes, strateg i lartë i mallrave në ANZ. “Kjo do të mbështesë këtë moment në rritje.”
Edhe argjendi u ngjit në një rekord të ri të martën, duke u rritur me 0.3 për qind në 40.8 dollarë për ons. Megjithëse tregtohet ende me një zbritje ndaj arit krahasuar me çmimet mesatare historike, diferenca është ngushtuar muajt e fundit për shkak të interesit në rritje nga investitorët.
“Ka ende hapësirë të madhe për rritje,” tha Hynes. “Mendoj se ky lëvizje po nxitet thjesht nga kërkesa e investitorëve.”
Strategët shtuan se humbja e shpresave për një zgjidhje të shpejtë të luftës në Ukrainë, siç kishte premtuar Trump, ka mbështetur rritjen e çmimeve.
Sipas një shënimi të fundit nga Goldman Sachs, flukset hyrëse në fondet e tregtuara në bursë të arit janë shfaqur si një burim i rëndësishëm kërkese që ka mbështetur çmimet. Analistët e bankës parashikojnë që çmimet e arit të arrijnë 4,000 dollarë për ons deri në mesin e vitit të ardhshëm.
Çmimet e arit janë gati dyfishuar që nga fillimi i vitit 2023, pasi bankat qendrore kanë rritur rezervat dhe investitorët janë drejtuar te ari si mbrojtje kundër inflacionit.
Vitit të kaluar, metali i çmuar tejkaloi euron për t’u bërë aktivi i dytë më i përdorur në rezervat e bankave qendrore pas dollarit, duke përbërë 20 për qind të rezervave zyrtare globale.
Blerësit më të mëdhenj vitin e kaluar përfshinin Indinë, Kinën, Turqinë dhe Poloninë, sipas Këshillit Botëror të Arit.
“Kemi trendin e vazhdueshëm të de-dolarizimit mes disa bankave qendrore,” tha David Wilson nga BNP. “Kjo është një mbështetje themelore që vazhdon.” / Monitor.al
