Kryeministri Edi Rama ka publikuar një pasqyrë të protestave në disa vende, ku përfshihet edhe Shqipëria, duke krahasuar numrin e ...
AKTUALITET
Balluku shmang Komisionin, Këlliçi: Është e pandehur nga SPAK prej dy javësh, të shtyhet seanca
PiranjatPërditësimi i fundit 12 Nëntor 2025, 13:45
Deputeti demokrat, Belind Këlliçi ka kërkuar shtyrjen e seancës në Komisionin për Infrastrukturën, për shkak të mungesës së ministres Belinda Balluku, e cila duhet të ishte e pranishme për prezantimin e projektbuxhetit 2026.
“Ministrja prej dy javësh është me statusin e të pandehurit me një akuzë zyrtare nga SPAK”, tha Këlliçi.
Deputeti i PD-së deklaroi se Belinda Balluku nuk mund t’i japë të drejtë zv.ministres për ta përfaqësuar në Komision, duke kërkuar nga mazhoranca që të zbatojnë rregulloren.
Debati:
Belind Këlliçi:Ministrja prej dy javësh është me statusin e të pandehurit me një akuzë zyrtare nga SPAK. Sa kohë kemi të bëjmë me një situatë vetë rregullorja nuk na jep alternativë në rast të mungesës së ministrit. E vetmja alternativë që kemi është të riskedulojmë në një moment tjetër orarin dhe ditën kur ministrja të vijë dhe të relatojë për projektbuxhetin.
Nuk i jepet e drejta zv.ministres për të përfaqësuar rolin e titullarit për prezantimin e projektbuxhetit. Zbatoni rregulloren dhe do të keni normalitetin.
Klotilda Bushka:Në mungesë, bëhet nga zv.ministrat. Unë do i bëj thirrje kolegëve deputetë të vijojmë seancën për dëgjimin e projektbuxhetit.
