Kryeministri Edi Rama ka publikuar një pasqyrë të protestave në disa vende, ku përfshihet edhe Shqipëria, duke krahasuar numrin e ...
AKTUALITET
Libri ‘’Jam Mysliman’’/ Komediani Dario Haruni kërkon debat publik dhe vendos 10 kushte, Ben Blushi pranon!
PiranjatPërditësimi i fundit 12 Nëntor 2025, 13:45
Libri i Ben Blushit ''Jam Mysliman’’ ka sjellë shumë polemika dhe diskutime në opinionin publik.
Por siç duket ka sjellë dhe diçka me vlerë pozitive që është fakti i të debatuarit për librin.
Komediani Dario Haruni përmes një postimi i ka kërkuar Blushit një debat publik dhe i ka vendour 10 kushte.
Pas kësaj ka ardhur dhe një reagim nga vetë autori, i cili ka pranuar.
Blushi shkruan se është i gatshëm për të plotësuar këto kushte, por shton se kushti për të mësuar 33 ajete të Kuranit e ka vënë në mendime.
Kërkesa e Dario Harunit
Ben Blushi të ftoj në debat publik. Kushtet që kam janë: 1. Të qëndrojmë brenda temës specifike të debatit pa kaluar në degëzime të papërshtatshme. 2. Të përdorim argumente të mbështetura me referenca. 3. Të moderohet nga një palë e tretë e drejtë dhe asnjëanëse, që të sigurohet për barazi në kohën e marrë për përgjigjet. 4. Të zhvillohet pasi unë të kem lexuar librin tënd, të cilin nuk dua ta blej, por e dua dhuratë nga ti, kurse ti të kesh lexuar të paktën 33 ajete/vargje rresht nga Kurani, me përkthim dhe interpretim akademik (sugjerime: The Study Qur'an nga Seyyed Hossein Nasr që është përkthim + përpilim komentimesh klasike të shkollave të ndryshme islame, ose Kurani i Oksfordit nga M.A.S. Abdal Haleem, i cili është vetëm përkthim). Këto t'i dërgoj në pdf nqs nuk i ke. 5. Salla të ketë mjaftueshëm përfaqësues nga të gjitha kategoritë; idealisht 25% jobesimtarë (ateistë, agnostikë, apateistë), 25% monoteistë afetarë (ata që besojnë vetëm Një Zot por nuk praktikojnë asnjë fe), 25% muslimanë (sunitë, shiitë, reformistë) dhe 25% të krishterë (katolikë, ortodoksë, ungjillorë). 6. Pjesëmarrja me biletë me çmim modest. Nevojtarët, pensionistët, personat me aftësi të kufizuara - falas. 7. Verdikti i fitores së debatit të arrihet përmes votimit nga salla. 8. Hiq shpenzimet organizative, nëse mbeten para nga biletat, të dhurohen për bamirësi në një institucion të besueshëm (ndoshta shkollë, kopësht, qendër kursesh etj). 9. Të mos lejohen fyerjet dhe shpërthimet emocionale nga debatuesit apo nga pjesëmarrësit. 10. Të këndohet himni kombëtar para se të nisë debati. Temën mund ta diskutojmë, por ja disa që më vijnë në mendje: a) Kurani si model udhërrëfyes i Drejtësisë Shoqërore vs. [Alternativa jote mbi Drejtësinë Shoqërore] b) Religjioni: i nevojshëm apo i panevojshëm për reformimin social-kulturor të Shqipërisë. c) Islami: i përputhshëm apo i papërputhshëm me Vlerat Europiane
Statusi i Ben Blushit
KAM MARRË NJË FTESË TË ÇUDITSHME PËR DEBAT Nga mijëra mesazhe, urime, ledhatime, deshpërime dhe mallkime që kam marrë në facebook për romanin Jam Mysliman më i cuditshmi dhe më i paprituri ishte njëri që më ftonte në një debat publik për Kuranin dhe Islamin duke vendosur 10 kushte. 9 kushte edhe mund ti përmbush por njëri ishte pak i vështirë dhe më ka vënë në mendime. Ky person që nuk e njoh por duket shumë kopetent dhe i vendosur më kërkon të mësoj permendesh 33 ajete të Kuranit. Ndryshe ai nuk del në debat me mua. Unë nuk e di a e kam këtë aftësi. A jam unë kaq i aftë? Nuk jam i bindur. Edhe në shkollë nuk mësoja dot asgjë permendesh dhe nuk di të recitoj. Për më tepër e di që do humb. Megjjthatë më poshtë po postoj kërkesat e tij për debat publik. Ndoshta ai mi lehtëson pak kushtet.
