Revolta kundër ndërtimeve në Zvërnec nuk është kufizuar vetëm brenda Shqipërisë. Dje dhe sot, shqiptarë që...
AKTUALITET
Berisha akuza Ramës: Zgjedhjet e pjesshme lokale ishin një farsë, nuk kishte garë
PiranjatPërditësimi i fundit 11 Nëntor 2025, 13:58
Gjatë mbledhjes me kryetarët e degëve të PD-së Sali Berisha akuzoi qeverinë dhe kryeministrin Edi Rama se zgjedhjet e pjesshme lokale nuk ishin të rregullta, por u dhunua vota e lirë. Sipas tij, gara ishte e pabarabartë për shkak se Rama kontrollon gjithçka në Shqipëri, për shkak se ka ndërtuar një regjim diktatorial.
“Të gjitha këto dëshmojnë se zgjedhjet ishte një farsë dhe fusha e garës ishte krejt e pabarabartë. Po tu shtojmë këtyre një faktor tjetër, kontrolli qeveritar i 90 përqind të mediave, nga i cili qytetarët shqiptar nuk marrin dot informacion, por u mashtruan. Kontrolli i mediave, është arma më e rrezikshme e diktaturës së Edi Ramës ndaj shqiptarëve. Në skandalin e Rama-Ballukut mediat censuruan lajmin, dhe nuk e publikuan. Dje, shumë emisione anuluan programin e tyre për Lubi Ballukun. Cilido që është i interesuar për realitetin politik shqiptar, duhet ta di se Shqipëria është në një diktaturë autoritare. Totalitaret nuk e pranojnë pluralizmin, kjo e Edi Ramës është diktatura më e rrezikshme e planetit sepse ka një fuqi që nuk e kanë të tjerët, ka drogën dhe paratë e saj. Vetëm një person, i lidhur me Ramën dhe qeverinë tregtojnë 28 tonë kokainë, dhe këto nuk janë të dhënat tona por të agjensive ndërkombëtare të zbatimit të ligjit”, tha Berisha.
Disa nga akuzat e tjera të Berishës ishte kontrolli i mediave dhe trafiku i drogës të cilat Rama i ka në kontroll të plotë dhe mashtrojnë shqiptarët.
