Dita e diel do të sjellë kushte atmosferike të qëndrueshme në të gjithë vendin.
Deri në mesditë moti parashikohe...
AKTUALITET
Denoncimi i qytetarit: Tabelat e rrugës Elbasan–Librazhd në Xibrake po bëhen shkak për aksidente vdekjeprurëse
Nga Xhuljan FerzajPërditësimi i fundit 28 Qershor 2026, 10:14
Një qytetar ka denoncuar në redaksinë e "Piranjat News" një problem serioz të sigurisë rrugore në segmentin Elbasan–Librazhd, konkretisht në zonën e njohur si Xibrake, ku kanë ndodhur disa aksidente me pasoja fatale.
Në një mesazh të dërguar, qytetari shprehet se tabelat rrugore në këtë zonë tregojnë dy sense lëvizjeje në një drejtim, ndërsa rruga në fakt përdoret si rrugë me një sens vajtje-ardhje. Sipas tij, ky gabim sinjalizimi krijon konfuzion të rrezikshëm për drejtuesit e automjeteve.
“Tabelat po vrasin. Tabela tregojnë dy sense lëvizje në një drejtim, por rruga në fakt përdoret me një sens vajtje-ardhje. Më bën përshtypje se si ka mundësi që nuk reagojnë inxhinierët që i shohin këto tabela, që janë vdekjeprurëse”, thuhet në denoncimin e qytetarit për Piranjat News
Qytetari ka bashkangjitur edhe një foto të vendit ku shihet qartë tabela problematike, duke bërë thirrje që ky problem të marrë vëmendjen e autoriteteve përkatëse.
Ky denoncim vjen pas një serie aksidentesh në të njëjtin vend, disa prej të cilëve me humbje jete. Banorët dhe përdoruesit e rrugës kërkojnë ndërhyrje të menjëhershme nga Autoriteti Rrugor Shqiptar (ARRSH) dhe inxhinierët e rrugëve për korrigjimin e sinjalistikës rrugore.
Autoritetet ende nuk kanë dhënë një reagim zyrtar lidhur me këtë çështje./ Piranjat News
