Eduart Mullaj, 55 vjeç nga Delvina, rezulton të jetë personi i plagosur në orët e para të ditës së sotme në Pat...
AKTUALITET
Do “zbërthente” disa ngjarje kriminale, shtyhet seanca për Nuredin Dumani
PiranjatPërditësimi i fundit 13 Qershor 2023, 12:40
TIRANË- Në Gjykatën e Posaçme është shtyrë seanca për të penduarin e drejtësiSë, Nuredin Dumanin, i arrestuar gjatë një operacioni të koduar “Plumbi i artë”. Ai do të jepte sqarime për disa ngjarje kriminale, të cilat i ka kryer në bashkëpunim me të kërkuarin tjetër Talo Cela, përpara se ata të përplaseshin njëri me tjetrin dhe të krijonin armiqësi.
“Do jepte sqarime me disa ngjarje kriminale që ka qenë I përshirë Dimani në bashkëpunim me të kërkuarin tjetër Talo Cela, deri pak kohë para se ata të konfliktoheshin me njëri tjetrin dhe të ishin si kundërshtarë të tyre. Para së të konflikotoheshin mes tyre, ata kanë bashkëpunuar për disa atentate në qytetin e Elbasan, apo dhe një vrasje në qytetin Durrësit, ku Nuredin Dumani ka treguar se këto ngjarje i ka kryer në bashkëpunim me Talo Çelës”, raportoi gazetari.
Në këto kushte, Prokuroria i ka kërkuar gjykatës edhe disa ditë të tjera kohë për shkak se ka gjetur disa prova të tjera hetimore në lidhje me këto ngjarje, të cilat do duhen kohë për të verifikuar duke ballafaquar dëshminë e Dumanit dhe provat e tjera të gjetura. Sakaq, seanca e radhës gjyqësore është caktuar më 21 qershor në orë 09:00.
Më 30 maj, Dumani u thirr në gjykatë për të dëshmuar për procesin ndaj, Altin Ndocit, Klevis Allës, Besian Xhixhës dhe Enver Divës, por nuk pranoi të jepte dëshmi. Këta persona akuzohen për vrasjen e Viktor dhe Bermir Haxhia, si edhe Dorian Shkozës e Anxhelo Avdisë.
Kujtojmë që më parë, i penduari tjetër i drejtësisë, Klevis Alla dëshmoi në lidhje me vrasjes e vëllezërve Haxhia, ku u shpreh se vrasjen e kreu Dumani me një person, ndërsa ai ka qenë vetëm shofer. Ndërsa në lidhje me vrasjen e Dorian Shkozës dhe Anxhelo Avdisë ka folur edhe Henrik Hoxhaj, i cili është shprehur se Dumani përgatiti gjithçka për 35 mijë euro.
