Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
AKTUALITET
Ekzekutuan “Padronin” e drogës, Behar Sofian, gjykata jep 127 vite burg për autorët
Nga Xhuljan FerzajPërditësimi i fundit 4 Shkurt 2026, 10:43
Paraditen e sotme Gjykata e Lartë dha vendimin për pesë autorët që morën pjesë në vrasjen e biznesmenit Bujar Sofia, ngjarje e ndodhur në muajin shkurt të vitit 2021 përballë “ETC” NË Tiranë.
Shtetasit Xhuljano Visha, Leonard Xhixha, Skënder Vathi dhe Bujar Leza u dënuan me 30 vite burg secili, ndërsa Ernejt Shyti i cili ishte bashkëpunëtor i drejtësisë, njëherësh ekzekutor, u dënua me 7 vite heqje lirie.
Të rinjtë kishin ankimuar në Gjykatën e Lartë, vendimin e dhënë nga Apeli i Posaçëm në 16 shtator të 2024, por Gjykata ka rrëzuar ankimimin e tyre duke lënë në fuqi dënimin me 127 vite burg për të akuzuarit.
Të pandehurit u shpallën fajtor për kryerjen e veprave penale “Vrasje me paramendim”, kryer në bashkëpunim në formën e grupit të strukturuar kriminal, “Mbajtja pa leje dhe prodhimi i armëve, armëve shpërthyese dhe municionit”, si dhe “Grupi i strukturuar kriminal”. Ndërkohë, Jemin Shera, i cili sipas hetimeve ka financuar dhe porositur vrasjen e Behar Sofisë, është dënuar me 35 vite burg në mungesë.
66-vjeçari Behar Sofia, i njohur si “padron droge”, u ekzekutua mëngjesin 25 shkurtit të vitit 2021 afër Piramidës në Tiranë, ndërsa vrasësi u largua me biçikletë. Autori pasi e ka ndjekur disa metra pranë shtëpisë së tij, i ka dalë para 66-vjeçarit dhe e ka qëlluar. I veshur sportiv, me kapele, syze e maskë anti-COVID pasi ka bërë atentatin ai është larguar dhe ka kaluar në këmbë urën e Lanës. Më pas ai ka marrë një biçikletë pranë kullave dhe është larguar drejt Kodrave të Liqenit.
Policia arrestoi fillimisht Ernejt Shytin, i cili u pendua dhe pranoi të bashkëpunonte me drejtësinë duke zbuluar personat e tjerë të përfshirë në krim.
Para hetuesve Shyti deklaroi se për kryerjen e vrasjes i ishin premtuar 50 mijë euro./Piranjat News
