Zbulimi i skemës korruptive “5D” dhe arrestimi i kryebashkiakut Erion Veliaj, u shoqëruan me lëvizje tektonike në Bashkinë...
AKTUALITET
EMRI/ Policia e Elbasanit zbardh atentatin e dështuar në një lokal. Kush është 52-vjeçari i arrestuar
PiranjatPërditësimi i fundit 15 Gusht 2026, 18:01
Një 52-vjeçar është arrestuar nga Policia e Elbasanit, pasi dyshohet se tentoi të vriste me armë zjarri një 50-vjeçar në ambientet e jashtme të një lokali.
Policia njofton se operacioni i koduar ‘Reagimi’ çoi në pranga të dyshuarin Poli Boriçi, 52 vjeç.
Ngjarja u raportua rreth orës 13:00 në lagjen ‘28 Nëntori’ në Elbasan. Sipas policisë, 52-vjeçari dyshohet se ka qëlluar me armë zjarri ndaj shtetasit me inicialet Ermir Këndezi, (Bitoci)., 50 vjeç, me qëllim vrasjen e tij.
Në kuadër të operacionit ‘Reagimi’, efektivët arritën të lokalizojnë dhe arrestojnë Poli Boriçin.
Njoftimi:
Policia ka finalizuar me sukses operacionin e koduar “Reagimi”, duke vënë në pranga autorin e dyshuar të një tentative për vrasje me armë zjarri të ndodhur mesditën e sotme në qytetin e Elbasanit.
Ngjarja u regjistrua rreth orës 13:00, në ambientet e jashtme të një lokali në lagjen “28 Nëntori”, ku një shtetas dyshohet se ka tentuar të qëllojë me armë zjarri ndaj Ermir Këndezi, 50 vjeç.
Pas marrjes së njoftimit për incidentin, shërbimet e Policisë kanë reaguar menjëherë, duke organizuar kontrolle dhe veprime të njëpasnjëshme për identifikimin dhe kapjen e autorit të dyshuar.
Falë reagimit të shpejtë dhe veprimeve profesionale të strukturave policore, në kuadër të operacionit “Reagimi” u bë i mundur identifikimi dhe arrestimi i shtetasit Poli Boriçi, 52 vjeç, i dyshuar si autor i tentativës për vrasje.
Gjatë veprimeve të Policisë u bë gjithashtu e mundur gjetja dhe sekuestrimi i armës së zjarrit, tip pistoletë, që dyshohet se është përdorur gjatë ngjarjes. Arma është sekuestruar në cilësinë e provës materiale dhe do t’i nënshtrohet ekzaminimeve përkatëse balistike.
Nga informacionet paraprake, ngjarja ndodhi në një ambient publik dhe përbënte një situatë me rrezik të lartë për jetën dhe sigurinë e personave të pranishëm. Ndërhyrja e shpejtë e Policisë bëri të mundur identifikimin dhe kapjen e të dyshuarit në një kohë të shkurtër pas marrjes së njoftimit.
Nën drejtimin e Prokurorisë, vijojnë veprimet hetimore për zbardhjen e plotë të dinamikës së ngjarjes, përcaktimin e motivit, dokumentimin e provave dhe rrethanave që lidhen me tentativën e dyshuar të vrasjes.
Autoritetet po vijojnë hetimet për të sqaruar nëse ka persona të tjerë të përfshirë dhe për të dokumentuar ligjërisht përgjegjësinë e të arrestuarit për veprën penale.
Policia bën me dije se materialet procedurale do t’i referohen Prokurorisë për veprime të mëtejshme.
