Një qytetar nga Vlora ka dërguar në redaksinë e Piranjat News një denoncim lidhur me gjendjen e rëndë të rrugës k...
POLITIKE
"Protestë në 20 gusht", aktivistët: Do të nisemi nga Brindisi drejt ishullit të Sazanit! Bashkohuni me ne!
PiranjatPërditësimi i fundit 15 Gusht 2026, 14:34
Më 20 gusht, një grup aktivistësh do të niset nga Brindisi drejt ishullit Sazan në Shqipëri. Ata do të udhëtojnë së bashku me përfaqësues të "Global Sumud", "Mesdhe", "Palestina e Lirë" dhe diasporën shqiptare.
Në qendër të protestës është ishulli Sazan, i pasur me specie të rralla dhe i vendosur pranë lagunës së mbrojtur Vjosë-Nartë. Ky është i vetmi vend në Shqipëri ku jetojnë flamingot rozë. Sipas aktivistëve, ishulli po shitet për të ndërtuar një resort luksi me vlerë 1,4 miliardë dollarë. Blerësi i pretenduar është Jared Kushner, i njëjti person që në Davos prezantoi planin për ta shndërruar Gazën në një “Riviera”.
Aktivistët e quajnë këtë projekt një formë të re të kolonializmit, të veshur me petkun e turizmit dhe “zhvillimit”. “Nuk është rastësi, është zakon”, theksojnë ata.
Që nga 16 maji, në Shqipëri ka nisur lëvizja e njohur si “Revolucioni i Flamingove”. Aktivistët thonë se populli ka thënë “mjaft” dhe se nuk do të lejojnë shitjen e ishullit.
“Një ishull nuk shitet. Toka duhet t’i kthehet atij që jeton aty, t’i bashkohemi Revolucionit të Flamingove.”, deklarojnë organizatorët e nismës, duke ftuar publiku të bashkohet me Revolucionin e Flamingove.
