Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
AKTUALITET
Fyerje dhe kanosje nëpërmjet profileve të rreme, tre denoncime në 24 orë
PiranjatPërditësimi i fundit 3 Tetor 2025, 16:05
Hapja e profileve false është kthyer në një problematikë serioze në vendin tonë, në vetëm 24 orë, tre qytetarë kanë kallëzuar në Polici për raste të hapjes së profileve false dhe kanosjes në rrjetet sociale.
Një qytetar ka raportuar se persona të paidentifikuar kanë krijuar një profil të rremë në emër të vëllait të tij, ku policia ka nisur hetimet për të identifikuar dhe kapur autorët.
Një tjetër kallëzim ka ardhur nga një qytetar që denoncoi fyerjen dhe kanosjen e vajzës së tij nga një individ nëpërmjet rrjeteve sociale, ku blutë e kryeqytetit kanë arritur të identifikojë autorin dhe po punojnë për kapjen e tij.
Po ashtu, një qytetar ka kallëzuar se i është hapur një profil fals, i cili dyshohet se përdoret për ta kanosur, ku po punohet për identifikimin dhe kapjen e autorëve të mundshëm.
Njoftimi i policisë:
-me datë 02.10.2025 kallëzuan shtetasit: -E. F., se persona të paidentifikuar kanë hapur një profil fals në emër të vëllait të tij. Punohet për identifikimin e kapjen e autorit/ve; -E. H., se nëpërmjet një rrjeti social, kanë fyer e kanosur vajzën e saj. Punohet për kapjen e autorit i cili është identifikuar nga Policia; -S. T., se i është hapur një profil me atë të cilit dyshohet se e kanosin. Punohet për identifikimin e kapjen e autorit/ve.
