Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
AKTUALITET
Goditet organizata kriminale në Itali/ Mes të arrestuarve edhe një shqiptar, detaje nga operacioni
PiranjatPërditësimi i fundit 14 Tetor 2025, 14:47
Një operacion i madh policor në Milano të Italisë ka çmontuar një organizatë të narkotrafikut e përbërë nga italo-shqiptarë.
Policia e Shtetit publikoi sot rezultatet përfundimtare të aksionit me 7 të arrestuar, mes të cilëve edhe një shqiptar.
Fillimisht në Scalo Romana oficerët vunë re një burrë 29-vjeçar që po kthehej në shtëpinë e tij në Pieve Emanuele. Ai u ndalua për një kontroll dhe iu gjetën dy telefona celularë dhe 320 euro para në dorë.
Brenda apartamentit u sekuestruan 14.5 kg hashash i fshehur në frigorifer, 3 kg marihuanë, 300 gramë hashash shtesë, 9 gram ketaminë dhe dy peshore precize.
Shisnin drogë në zona të ndryshme të kryeqytetit, arrestohen dy të rinj
Pas ndërhyrje në zonën e Benedetto Marcello më vonë ndaluan një italian 51-vjeçar dhe një italian 23-vjeçar të kapur duke transportuar drogë me 11.8 kg hashash, 1.7 kg marihuanë, 1.7 kg kanabis shtesë, 199 cigare elektronike që përmbajnë THC.
Kurse në Cornaredo dhe Bollate oficerët ndoqën një fuoristradë të dyshimtë nga Lambrate në Cornaredo, ku gjetën 1.15 kg kokainë në makinë, 13,800 euro në para të gatshme të fshehura në të brendshmet e një shqiptari dhe 5,000 euro në shtëpinë e tij në Cesano Maderno.
Më pas, në apartamentin në Cornaredo, të banuar nga një italian 28-vjeçar dhe një grua 27-vjeçare, u sekuestruan, 7.2 kg hashash, 4 kg kokainë, 4 kg marihuanë, peshore dhe makina vakumi, makinë për numërimin e parave, pistoletë bosh.
Media italiane informon se të katër personat e pranishëm në shtëpi u arrestuan dhe u vunë në dispozicion të Autoriteteve Gjyqësore.
