Ambasadori i Gjermanisë në Shqipëri, Karl Bergner i kujton kryeministrit Rama se në rrugën për integrimin në B...
AKTUALITET
"Jo shqiponja jonë”/ Pedagogu kritikon Ramën për foton në postimin për BE: Është shqiponja amerikane
PiranjatPërditësimi i fundit 22 Maj 2026, 11:56
Ornitologu Ilir Ciko, një njohës i zogjve në Shqipëri ka reaguar pas postimit të kryeministrit Edi Rama lidhur me avancimin e negociatave të Shqipërisë me Bashkimin Europian, duke vënë në dukje një detaj të veçantë në foton shoqëruese të publikimit.
Në reagimin e tij, ai thekson se në imazh nuk shfaqet shqiponja e malit, simboli kombëtar i shqiptarëve, por shqiponja tullace amerikane, e njohur si simbol kombëtar i Shteteve të Bashkuara të Amerikës.
Sipas tij, përdorimi i këtij shpendi në një foto ku shfaqen edhe yjet e Bashkimit Europian krijon një mesazh të gabuar simbolik.
“Nuk gabon vetëm ajo pija energjike por dhe KM. Përtej lajmit, kur fotoja përgatitet me IA, në të nuk del shqiponja e malit, simboli ynë kombëtar, por ajo amerikane (ose tullace), e cila është shpendi kombëtar i SHBA dhe gjendet vetëm në territorin amerikan, por jo në Europë. Mesazhi që foto jep tregon dominancë amerikane mbi Bashkimin Europian, gjë që nuk ka lidhje me tekstin”, shkruan ai.
Reagimi vjen pasi Rama publikoi një mesazh të gjatë për procesin e integrimit europian të Shqipërisë, ku sulmoi opozitën dhe e cilësoi hapjen e fazës përmbyllëse të negociatave si një tjetër sukses për vendin në rrugën drejt BE-së. Në fund të postimit të tij, kryeministri përdori edhe simbolin e shqiponjës krahas flamurit shqiptar dhe atij europian.
