Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
Mbetjet e rrezikshme/ Gjykata e Durrësit “zbut” masën për Arta Dollanin
PiranjatPërditësimi i fundit 6 Shkurt 2026, 19:37
Gjykata e Durrësit ka vendosur të ndryshojë një pjesë të masave të sigurisë në çështjen e mbetjeve të rrezikshme, duke i kthyer masat ndëshkuese në formalitete administrative.
Ish-drejtores së Agjencia Kombëtare e Mjedisit, Arta Dollani, si dhe Kledina Skëndo, shefe e sektorit të monitorimit të lejeve mjedisore, u është hequr masa e arrestit në shtëpi. Në vend të saj, gjykata ka vendosur ndalim të daljes jashtë shtetit dhe detyrim paraqitjeje periodike në policinë gjyqësore.
Një zhvillim “lehtësues” për dy zyrtaret, në një aferë që lidhet me mbetje toksike, por që mesa duket nuk mjafton për të rënduar shumë as ndërgjegjen dhe as masat e sigurisë.
Arta Dollani është një emër i njohur në administratën shtetërore, e cila që prej vitit 2014 ka qëndruar në poste të rëndësishme drejtuese. Ajo njihet gjerësisht si një nga figurat më të afërta të ministres më jetëgjatë të qeverisë Rama, Mirela Kumbaro.
Nga një nëpunëse e thjeshtë, Dollani u “katapultua” në majat e institucioneve kyçe, përfshirë sektorë të ndjeshëm si Trashëgimia Kulturore, ku firma e saj shfaqet në një sërë vendimesh që kanë shoqëruar rrënimin e pasurive historike, gjithnjë në emër të zhvillimit dhe betonizimit të pushtetit.
