Deputeti i Partisë Socialiste Klevis Jahaj është paraqitur ditën e sotme në ambientet e SPAK.
Jahaj është deputet i qarkut...
AKTUALITET
‘Më kapi për fyti”/ Sherr mes mjekëve në Tiranë, kryeinfermierja kallëzon gjinekologun
PiranjatPërditësimi i fundit 12 Mars 2026, 18:14
Futja në sallën e Opracionit me shumë urgjencë, të një gruaja që duhet të lindte foshnjën e saj, është bërë shkak për konfliktim fizik, mes një mjeku dhe kryeinfermiere në maternitetin “Mbretëresha Geraldinë” në Tiranë.
Përplasja mes dy punonjësve të shëndetësisë shqiptare është rregjistruar në fillim të muajit Janar 2026, ku prezente në këtë sher mes mjekut dhe kryeinfermieres, ishte dhe pacientja që po priste për të lindur.
Pas ngjarje që habiti thuajse të gjithë stafin e mjekëve në maternitetin “Mbretëresha Geraldinë”, policia e Tiranës arrestoi mjekun, Julian Habibaj.
Ndërsa prokurori i çështjes, Petrit Vukaj, kërkoi caktimin ndaj tij masën e “arrestit në burg” duke e akuzuar për veprën penale të “Goditjes për shkak të detyrës”. Por ishte gjykata e Tiranës, që nuk pranoi kërkesën e prokurorit, duke vendosur masën e “Detyrimit për paraqitje” për mjekun gjinekolog, Julian Habibaj.
Kjo ngjarje u denoncua nga kryeinfermierja e sallës së operacionit Obsetrik, R.A, e cila ka treguar se është goditur dhe kapur me të dyja duart në fyt nga mjeku Habibaj.
Rreth orës 14:00, kam qënë në sallën operacionit. Ka ardhur doktor Julian Habibaj, dhe më ka thënë që: “…ka një operacion…”. Pas këtyre fjalëve kryeinfermierja R.A, deklaron se ka shkuar te pacientja, ka parë kartelën dhe detyra e saj është të kontrolloj kartelën mjekësore me konsultë dhe me firmë.
“…aty kam parë që pacientja, e cila ishte shtruar në Spital që prej mëngjesit, nuk kishte një konsultë mjeksore të ditës së sotme, e cila është kryesorja për operacionin…”-ka deklaruar kryeinfermierja.
Më tej kjo e fundit ka marë kartelën dhe ka shkuar tek doktori, të cilit i ka thënë se: ”…kartela e pacientës është pa konstultën e ditës së sotme dhe pa firmë…”. Pasi sipas saj në kartelë kishte vetëm një konsultë të datës 31 dhjetor 2025.
“…unë i kam thënë doktorit që të plotësoje kartelën, të firmosi dhe të fillojmë operacionin me pacienten. Mirëpo, mjeku Julian Habibaj ma ka marrë kartelën e ka flakur nga nervat përtokë. Unë i kam thënë: “…doktor mere me qetësi…”. Por ai mu afrua dhe mi ka vendosur duart rreth qafës në fyt, duke më shtrënguar fort duke më lëshuar…”-ka treguar kryeinfermierja.
“…në atë moment nuk ka ndërhyrë askush. Doktori më ka hedhur telefonin përtokë, ndërsa unë i thashë: “…ma jep telefonin të bëj video se kështu e do ti…”. Më tej, pasi ka flakur telefonin, Habibaj më është afruar përsëri, duke më frikësuar.Gjatë komunikimit i ka thënë që do të mbys dhe ja ka komunikuar me tone të larta të ashpra dhe duke e kërcënuar për jetën. Aty ka ndërhyrë një nga koleget e quajtur Dh.B, e cila i ka folur dhe i ka thënë që çfarë po bën. Në këtë kohë nga dhoma e zhveshjes kemi dalë në koridor…”-ka treguar kryeinfermierja R.A.
Lidhur me këtë rast janë marë në pyetje dhe 5 mjekëve të tjerë, mes të cilëve edhe protagonistit të këtij konflikti, Julian Habibaj. Ky i fundit ka dhënë shpjegime si person ndaj të cilit zhvillohen hetime për akuzën e “Goditjes për shkak të detyrës”.
Habibaj, ka sqaruar se nuk ka pasur asnjë kontakt fizik me kryeinfermieren. Ai ka treguar se arsyeja e konfliktit ka qënë pengesa që ka bërë kryeinfermierja për të futur në sallë një paciente e cila kishte 24 orë e shtruar.
“…pacientja kishte dy lindje me operacion dhe qëndronte mbi 24 orë me membranat e plasura. Me një gjëndje të bebit të pasigurt në këto kushte si edhe me dhimbje dhe kontraksionte uterine që mund të rrezikojnë çarjen e mitres. Arsyeja e debatit, ishte kryerja pa vonesë e operacionit për të mos rrezikuar jetën e nënës dhe fëmijës.Madje për këtë ishte marrë miratimi i shefit të Obsetrikës si dhe anestezistit përgjegjës për të kryer operacionin për pacienten në fjalë…”-ka dëshmuar mjeku Juljan Habibaj.
I pyetur nëse e ka kundërshtuar kryeinfermieren kur i ka kërkuar që të plotësonte dokumentacionin e nevojshëm para se të fusnin pacienten në sallë të operimit, mjeku ka deklaruar se nuk e ka kundërshtuar sepse e kishte plotësuar pjesën e tij të dokumentacionit.
“…nuk e kam shtyrë dhe as sulmuar këtë shtetase…”-ka pohuar mjeku./Elton Qyno
