Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
AKTUALITET
Memaliaj/ 26-vjeçarja e paralizuar dergjet në shtrat, mjekët “vizitë” me WhatsApp, s’i japin kemp të plotë
PiranjatPërditësimi i fundit 18 Tetor 2025, 18:12
Enduela Mema, 26 vjeçe, që në foshnjëri ka kaluar temperaturë të lartë, çka i ka shkaktuar paralizë cerebrale. Në moshën 10-vjeçare ka dalë në KEMP dhe është trajtuar me pagesë të pjesshme invaliditeti, ndërsa pas moshës 20-vjeçare ka humbur çdo aftësi për të lëvizur dhe dergjet në shtrat.
Për të kujdeset nëna, e cila nuk i mban lotët teksa rrëfen vuajtjet e mundimet e përditshme. Ndërsa kryefamiljari punon shofer për të siguruar të ardhura për familjen, të cilat janë të pamjaftueshme për shkak të shpenzimeve të shumta.
“Vajza pas lindjes kaloi temperaturë të lartë dhe ngeli me probleme. Në moshën një vjeçare u kuptua shumë, nuk eci si fëmijët e tjerë. Filluam të shkonim në spitale. Nuk pati shërim, 10 vjeç në Kemp prisnim mos shërohej – por që atë ditë e sot vajza siç është. 6 vjet nuk ecën fare. Deshëm ta nxjerrim në Kemp të plotë para një viti dhe na thanë jo”, tregon Anife Mema, nëna e Enduelës”, tregon Anife Mema, nëna e Enduelës.
Fati i keq ka shënjuar jo vetëm Enduelën, por edhe prindërit e saj, të cilët nuk kërkojnë lëmoshë, por vetëm atë që i takon së bijës.
“Unë nuk kërkoj lëmoshë, kërkoj të drejtën e vajzës. Marrim 200 mijë lekë të vjetra, burri vetëm punon. Unë nuk punoj se i shërbej vajzës. 120 mijë korent, 80 mijë bebelina, ilaçe, ushqime, detergjentë”, thotë Anife Mema për Report tv
Enduela merr aktualisht pagesë të pjesshme invaliditeti, në shumën e 20 mijë lekëve në muaj. Familja Mema nga qyteti i Memaliajt, ka aplikuar për KEMP të plotë dhe pagesë kujdestarie, por Komisioni Mjekësor në Tiranë e ka refuzuar kërkesën. Vendimi është marrë nga mjekët përmes një vlerësimi në distancë, pa parë nga afër gjendjen shëndetësore të vajzës që nuk mund të lëvizë nga krevati.
“E panë në WhatsApp, në kamera, nuk erdhën ta shihnin vetë. E panë mjekët dhe thanë jo nuk i takon. Vajza është siç duket, në shtrat” thotë nëna, sipas oranews.
Familja kërkon që Komisioni Mjekësor i Paaftësisë (KEMP) ta rishikojë vendimin dhe të japë trajtim financiar të plotë, siç parashikohet për rastet e paralizës se plote qe kërkon kujdestari te vazhdueshme.
“Ne kërkojmë rivlerësim të gjendjes së vajzës nga Komisioni Mjekësor”, thotë i ati, Enea Mema.
Kryefamiljari e mbyll këtë apel për ndihme, duke shprehur pengun e tij më të madh
“Një ditë do të vdes, kush do të kujdeset kur ne të dy të mos jemi më….?!” pyet i pikëlluar babai i vajzës.
