Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
AKTUALITET
Merreshin me transportimin e emigrantëve të paligjshëm, bien në prangat e policisë 2 persona
PiranjatPërditësimi i fundit 22 Tetor 2025, 15:26
Policia e Gjirokastrës ka vënë në pranga dy shtetas të moshës 30 dhe 36 vjeç, të cilët u kapën në flagrancë duke transportuar emigrantë të paligjshëm.
Të arrestuarit po transportonin katër shtetas nga Nepali, me itinerar nga Qafë Thana drejt Qafë Botës, me synim kalimin e paligjshëm të kufirit në drejtim të vendeve të BE-së.
Sipas policisë, është shpallur në kërkim edhe një bashkëpunëtor tjetër i tyre, që dyshohet se ishte përfshirë në organizimin e këtij rrjeti të transportit të paligjshëm.
Njoftimi i policisë:
Specialistët për Hetimin e Trafiqeve të Paligjshme, në vijim të punës për goditjen e aktivitetit kriminal të dhënies ndihmë shtetasve të huaj, kundrejt pagesës, për kalim të paligjshëm të kufirit, në bazë të informacioneve të siguruara në rrugë policore, kanë organizuar dhe finalizuar në bashkëpunim me Sektorin e Policisë Rrugore të DVP Gjirokastër, operacionin policor të koduar "Attempt 4", si rezultat i të cilit u arrestua shtetasit:
V. T., 36 vjeç dhe F. M., 30 vjeç, të dy banues në Durrës.
Shtetasi V. T. u kap në flagrancë nga shërbimet e Policisë Rrugore, në aksin rrugor "Ura e Kardhiqit-Sarandë", duke transportuar me një automjet tip "Audi", kundrejt pagesës, nga Qafë Thana në drejtim të Qafë Botës, 4 emigrantë nga Nepali që synonin të kalonin ilegalisht kufirin.
Shtetasi F. M. u kap në bashkëpunim me shërbimet e DVP Durrës.
Vijon intensivisht puna për kapen dhe vënien në pranga të bashkëpunëtorit të tyre, i cili është identifikuar, por për shkak të hetimeve, nuk bëhen të ditura gjeneralitetet e tij.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
