Volodymyr Zelensky ka bërë thirrje për një takim ballë për ballë midis tij dhe Vladimir Putinit në një përpj...
AKTUALITET
“Miu hëngri kabullin”/ Denoncimi: Si tentuan autoritetet t'ia hedhin fajin brejtësit për djegien e Pallatit të Kulturës në Peshkopi
PiranjatPërditësimi i fundit 13 Mars 2026, 20:43
Një banor i Peshkopisë ka denoncuar për Piranjat news mungesën e masave minimale të sigurisë në Pallatin e Kulturës, pas djegies së tij më 27 shkurt 2026. Pamjet e dërguara tregojnë dëme të mëdha brenda godinës, ndërsa mungesa e sistemeve kundër zjarrit dhe e bombolave fikëse ka bërë që incidenti të shkaktojë shkatërrime të konsiderueshme.
Disa institucione po tentojnë të justifikojnë zjarret duke fajësuar dëmtimet e shkaktuara nga brejtësit, por realiteti tregon se përgjegjësia kryesore lidhet me neglizhencën institucionale dhe moskujdesin për sigurinë e qytetarëve.
Në gjithë këtë situatë, ku nëse do të kishte shfaqje do të rrezikohej një tragjedi, drejtuesit e Pallatit të Kulturës, Zjarrfikëseve apo edhe të Operatorit të Shpërndarjes së Energjisë Elektrike, deri më sot e kanë gjetur fajtorin, “miu që hëngri kabullin”, si shkaktari kryesor.
Nga pamjet rezulton se godina ka instalime elektrike të vjetra, kabuj përtokë, në mure dhe mungesë të bombolave të fikjes së zjarreve. Nga vëzhgimi rezulton se zjarri kishte rënë afër skenës, në një pjesë që e përdornin artistët para skenës. Shkëndija kishte rënë te paketa e brendshme e shpërndarjes së energjisë, te disa kabuj që dërgonin energji në paketat dhe prizat.
Ndërkohë, në afërsi të vendit, kishte edhe një hidrant, por që nuk funksiononte. Zjarri ishte përhapur në gjithë dhomën, ndërkohë tymi në gjithë ndërtesën.
E gjithë godina ishte mbuluar nga një hi i zi, i shkaktuar nga tymi që pushtoi të gjithë godinën.
Në këtë vendin tonë duhet të ndodhë ndonjë tragjedi që të marrin masa. Përgjegjësia në këtë rast është e të gjithë institucioneve, që me veprime apo mosveprime, sollën që një institucion i rëndësishëm të shkrumbohej./Piranjat news
