Një tjetër rast mashtrimi nga Florian Gjergji. I riu nga Shkodra, i cili dyshohet se ndodhet në Gjermani ka arritur që të mashtroj&eu...
AKTUALITET
“Prej dy muajsh pa pushime”/ Ushtari denoncon situatën e pazakontë në batalionin e Forcave të Armatosura
PiranjatPërditësimi i fundit 13 Mars 2026, 20:29
Prej rreth dy muajsh, disa efektivë të një prej strukturave të Forcave të Armatosura pretendojnë se po punojnë pa ndërprerje dhe pa përfituar kompensimet që u takojnë sipas rregullave të shërbimit.
Shqetësimi është ngritur nga një ushtarak i Batalionit të Mbështetjes së Shtabit të Përgjithshëm të Forcave të Armatosura të Republikës së Shqipërisë, i cili ka ndarë me redaksinë e Piranjat News situatën që sipas tij, po përjetojnë efektivët në kompaninë e ruajtjes.
Denoncuesi shprehet se në batalionin ku shërben dhe veçanërisht në kompaninë e ruajtjes, ushtarët po përballen prej kohësh me probleme që lidhen me pagesat dhe kushtet e punës.
Sipas tij, efektivët që kryejnë shërbim në këtë kompani po punojnë çdo ditë pa marrë kompensimet që u takojnë sipas rregullave të shërbimit.
Në mesazhin e dërguar në redaksinë tonë ai shprehet se nuk po paguhet vështirësia e turnit të tretë, edhe pse ushtarët kryejnë shërbime gjatë natës.
Gjithashtu nuk po paguhen ditët shtesë të punës, pavarësisht se shërbimi kryhet përtej orarit të zakonshëm dhe prej rreth dy muajsh efektivët nuk kanë bërë asnjë ditë pushim.
Denoncuesi thekson se kjo situatë po vazhdon prej kohësh dhe po ndikon drejtpërdrejt tek ushtarët që shërbejnë në këtë strukturë.
Këto pretendime ngrenë shqetësime serioze për mënyrën e trajtimit të efektivëve që kryejnë detyra të ruajtjes dhe sigurisë në strukturat ushtarake të vendit./Piranjat News
