Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
Tabaku: Përjashtimi i gazetarëve nga konferencat për shtyp, presion i papranueshëm ndaj medias
PiranjatPërditësimi i fundit 13 Mars 2026, 18:18
Deputetja e Partisë Demokratike, Jorida Tabaku, e cilëson përjashtimin e gazetarëve Ambrozia Meta dhe Isa Myzyraj nga konferenca për shtyp e Ramës, duke e cilësuar këtë veprim si një tjetër shenjë presioni dhe intimidimi ndaj medias. Sipas saj, gazetarët nuk janë pjesë dekorative e konferencave, por kanë rolin të bëjnë pyetje dhe të kërkojnë llogari nga pushteti në emër të publikut.
Reagimi:
Përjashtimi i gazetarëve Ambrozia Meta dhe Isa Myzyraj nga konferencat për shtyp vetëm sepse bëjnë pyetje që nuk i pëlqejnë pushtetit është një tjetër shenjë e presionit dhe intimidimit ndaj medias. Gazetarët nuk janë dekor për konferenca propagandistike. Ata janë aty për të bërë pyetje dhe për të kërkuar llogari në emër të publikut.
Shqipëria nuk ka nevojë për kode apo ligje për shpifjen që miratohen në letër, ndërkohë që në praktikë sulmet verbale, linçimet publike dhe kërcënimet ndaj gazetarëve janë kthyer në një sjellje të zakonshme të pushtetit. Liria e medias nuk mbrohet duke përjashtuar gazetarët apo duke u shmangur pyetjeve.
Ajo mbrohet duke respektuar të drejtën e tyre për të pyetur dhe për të informuar publikun.
