Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Credins bank kurorëzohet me çmimin më të rëndësishëm të vitit “Best Bank for Corporate Responsibility 2026&rdq...
AKTUALITET
Ndërtimet pa leje, përfundojnë në gjyq punonjësin e policisë, kryeinspektori dhe dy inspektorët e IMT në Vaun e Dejës (EMRAT)
PiranjatPërditësimi i fundit 12 Dhjetor 2025, 10:10
Punonjësit e policisë së Vaut të Dejës, kryeinspektori dh dy inspektorë të kësaj bashkie kanë përfunduar në gjyq, pasi kanë lejuar ndërtimet pa leje në zonë.
Prokuroria e Shkodrës tha se ka ngritur ndaj tyre akuzat për shpërdorim detyre dhe mos kallëzim krimi. Kanë qenë denoncimet e qytetarëve ata që vunë në lëvizje organet hetimore.
Zyrtarët e akuzuar:
Anton Demaj polici Martin Luka kryeinspe Darmian Lleshi insp Jonida Huba ins
Njoftimi:
Prokuroria pranë Gjykatës së Shkallës së Parë të Juridiksionit të Përgjithshëm, Shkodër, përfundoi hetimet dhe dërgon në gjyq një punonjës të policisë të shtetit, kryeinspektorin e Inspektoratit të Mbrojtjes së Territorit (IMT) dhe dy inspektorët për veprën penale ‘Shpërdorim detyre’ dhe ‘Moskallëzim krimi’ bazuar në nenet 248 dhe 300 të Kodit Penal.
Në kuadër të hetimeve mbi procedimin penal nr.457, të vitit 2025, bazuar në materialin e referuar nga Agjencia e Mbikëqyrjes Policore, rezultoi se më datë 09.04.2025, në rrugë operative u dërguan të dhëna konkrete, se në disa raste, shtetas të ndryshëm në fshatin Pistull dhe Paçram të Njësisë Administrative Hajmel, Bashkia Vau i Dejës, po bëhen ndërtime pa leje dhe se këto shtetas janë favorizuar nga punonjësi i policisë në Komisariatin e Policisë Vau i Dejës dhe nga inspektorët e IMT-së. Në përfundim të hetimeve, rezultuan të provuara elementët e veprës penale të dyshuar dhe u morrën të pandehur, shtetasit:
- A.D., punonjës i policisë së shtetit, me detyrë ndihmës specialist i policimit në komunitet, pranë Komisariatit të Policisë Vau-Dejës; i akuzuar për kryerjen e veprës penale në rrethanat rënduese sipas gërmës "dh", "gj", "h", neni 50 i Kodit Penal, të "Moskallëzimi i krimit" sipas nenit 300 të Kodit Penal dhe për kryerjen e veprës penale të "Shpërdorim i detyrës", sipas nenit 248 i Kodit Penal, nën masën e sigurimit personal shtrënguese "Detyrimi për t’u paraqitur në policinë gjyqësore", sipas nenit 234 të K.Pr.Penale.
- M.L., me detyrë kryinspektor pranë IMT-sënë Bashkinë Vau-Dejës; i akuzuar për kryerjen e veprës penale në rrethanat rënduese sipas gërmës "dh", "gj", "h", neni 50 i Kodit Penal, të "Moskallëzimi i krimit" dhe “Shpërdorim i detyrës” parashikuar nga nenet 300-25 dhe 248 i Kodit Penal, nën masën sigurimit personal shtrënguese "Detyrimi për t’u paraqitur në policinë gjyqësore";
- J.H., me detyrë inspektore pranë IMT-së në Bashkinë Vau-Dejës, e akuzuar për kryerjen e veprës penale në rrethanat rënduese sipas gërmës "dh", "gj", "h", neni 50 i Kodit Penal, të "Moskallëzimi i krimit" dhe ‘Shpërdorimi i detyrës’ parashikuar nga nenet 300-25 dhe 248 i Kodit Penal, nën masën sigurimit personal shtrënguese "Detyrimi për t’u paraqitur në policinë gjyqësore";
- D.Ll., me detyrë inspektor pranë IMT-së në Bashkinë Vau-Dejës, i akuzuar për kryerjen e veprës penale në rrethanat rënduese sipas gërmës "dh", "gj", "h", neni 50 i Kodit Penal, të "Moskallëzimi i krimit" dhe ‘Shpërdorimi i detyrës’ parashikuar nga nenet 300-25 dhe 248 i Kodit Penal, nën masën sigurimit personal shtrënguese të "Detyrimi për t’u paraqitur në policinë gjyqësore"; dhe
- B.D.; i akuzuar për kryerjen e veprës penale "Veprime që pengojnë zbulimin e së vërtetës" sipas parashikimeve të nenit 301 i Kodit Penal.
