Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
"Nëna është gjetur e pajetë te dera e kuzhinës"/ Shefi i shërbimit zjarrfikës zbardh detajet mbi ngjarjen tragjike në Maliq: Ja përse u shkaktua zjarri
PiranjatPërditësimi i fundit 20 Tetor 2025, 11:17
Një ngjarje tragjike ndodhi ditën e djeshme në Maliq, ku nëna dhe djali saj i mitur humbën jetën si pasojë e asfiksisë nga zjarri që përfshiu banesën e tyre, ndërsa vajza e mitur, vetëm 6 vjeç, u lëndua rëndë dhe u dërgua për ndihmë mjekësore.
Sadik Halili, shefi i shërbimit zjarrfikës në Maliq, ka dhënë detaje për ngjarjen, duke treguar se kur kanë mbërritur në vendngjarje, nuk kishte zjarr më brenda banesës. Fëmijët ishin jashtë, ndërsa për fat të keq, nëna dhe i mituri nuk mundën t’i mbijetonin pasojave të asfiksisë nga tymi i rëndë që kishte mbuluar ambientet e brendshme.
Halili ka zbuluar më tej se trupi i nënës u gjet i pajetë në derën e kuzhinës.
Njoftimin e kemi marrë rreth orës 13.30 të datës 19 tetor, nga salla operative e policisë. Menjëherë kemi arritur në vendin e ngjarjes për 1 minutë pasi distanca është e afërt. Kur kemi mbërritur në vendin e ngjarjes zjarr nuk ka pasur brenda në banesë dhe të dy fëmijët edhe djalin edhe vajzën i kemi gjetur përjashta. Djali ka qenë i pavetëdijshëm kurse vajza e vetëdijshme dhe tek dera e kuzhinës kemi gjetur të asfiksuar nënën e tyre e cila kishte ndëruar jetë. Njoftuam ambulancën, ju dhamë ndihmën e parë i dërguam në spitalin e Korçës. Për këtë ngjarje është ngritur grupi hetimor pjesë e të cilit jam edhe unë për të gjetur shkakun e zjarrit. Për momentin kemi dy versione: brenda në kuzhinë ka qenë soba me dru zjarri e ndezur ndërsa poshtë në dysheme kemi gjetur disa fije shkrepëse të ndezura. Nuk mund të themi ende pistën përfundimtare
