Një qytetare që mori pjesë në protestë ka reaguar ashpër ndaj situatës në vend, duke ngritur shqetësime për ...
AKTUALITET
“Pagoi 200 mijë euro për t’u transferuar në një burg tjetër”/ Karamuço zbulon ngjarjen: Nuk dihet ku kanë shkuar paratë
PiranjatPërditësimi i fundit 5 Maj 2026, 22:21
Eksperti i sigurisë Ervin Karamuço ka ngritur shqetësime serioze lidhur me një rast të dyshuar për korrupsion dhe tentativë transferimi të një të burgosuri me rrezikshmëri të lartë. Sipas tij, ishte planifikuar që ky person të zhvendosej nga një burg në juglindje drejt Shqipërisë së mesme, gjë që do të rriste mundësinë e arratisjes.
Ai përmendi se janë paguar rreth 200.000 euro për këtë lëvizje, por transferimi u anulua në momentin e fundit nga një funksionar i lartë i sistemit penitenciar, i cili dyshoi se diçka nuk po shkonte siç duhet.
Karamuço theksoi se individi në fjalë ka një nivel të jashtëzakonshëm organizimi dhe rrezikshmërie, ai shtoi se paratë e dhëna nuk po pranohen të kthehen, duke nënvizuar se grupet kriminale funksionojnë sipas një "kodi tjetër" ku, pasi të jepen, nuk ka kthim mbrapsht. Nëse një funksionar pranon para për të mbyllur një çëshjë atëherë duhet ta mbyllë, sepse këta persona të rrezikshëm që janë në gjendje të paguajnë nuk i marrin më paratë.
“Por së fundi është një informacion shumë shqetësues që ka ardhur për një transferim, shumë shqetësues, që duhet ta konfirmojnë vetë institucionet që për një transferim të një personi me rrezikshmëri të jashtëzakonshme nga një burg ë në juglindje për ta sjellë Shqipërinë e mesme me idenë që ai më pas edhe mund të bënte për shkak të liberalizimit të masave që ka edhe mund të bënte ndonjë arratisje.
Janë paguar 200.000€ dhe është anuluar në moment të fundit transferimi i këtij personi nga një nga funksionarët më të vjetër që ka sistemi penitenciar i cili tha jo sepse e kuptoi që diçka po shkonte keq.
Ai mund të iki sepse është në një në një nivel jashtëzakonisht e rrezikshmërie dhe të organizimit që ka n në Shqipërinë e mesme që mund ta bëjë dhe këtë. Por po them deri ku shkon, ku i ka çuar paratë, se më kanë thënë që i ka dhënë, po nuk pranon t'i marrin mbrapsht. Shiko, kanë kod tjetër këta banditët. Kanë një kod tjetër. Këta kur t'i japin, këta kur t'i japin nuk t'i marrin më. Do ta zgjidhësh. Mbaro punën që më premtove", tha Karamuço.
