Një qytetare që mori pjesë në protestë ka reaguar ashpër ndaj situatës në vend, duke ngritur shqetësime për ...
AKTUALITET
Aksidenti tragjik në Durrës/ Qytetarët protestojnë ditën e nesërme në orën 16:30, për dy jetët e humbura
PiranjatPërditësimi i fundit 5 Maj 2026, 20:58
DURRËS- Banorët e zonës, qytetarët dhe familjarët e dy të miturve që humbën jetën nga aksidenti tragjik i cili ndodhi ditën e dielë në Durrës, do të protestojnë ditën e nesërme në orën 16:30. Marshimi do të nisë nga zona e Ish-kënetës, vendit ku ndodhi ngjarja dhe do të vijojë drejt Bashkisë së Durrësit.
Si ndodhi ngjarja e rëndë?
Aksidenti i rëndë u shënua mesditën e 3 majit në zonën e ish-kënetës në Durrës, ku Nikoll Radaçi, teksa drejtonte automjetin tip “Mercedes-Benz ML” me shpejtësi të lartë, përplasi tre fëmijët të moshave 8, 10 dhe 12 vjeç, që ndodheshin në trotuar. Dy prej tyre, 10 dhe 12 vjeçari, ndërruan jetë në vendngjarje, ndërsa 8-vjeçari u dërgua në gjendje të rëndë në spital.
Radaçi rezultoi në gjendje të dehur në momentin e aksidentit. Pas aksidentit, drejtuesi i automjetit është larguar nga vendi i ngjarjes, duke pretenduar se kishte frikë nga reagimi i qytetarëve. Ndërkohë që nga testet e alkoolit është zbuluar se 57-vjeçari drejtonte mjetin në gjendje të dehur, me nivel 0.73 mg/l.
Kjo nuk është hera e parë që 57-vjeçari ecte në gjendje të dehur në makinë dhe me shpejtësi. Më parë atij i është pezulluar dy herë patenta në vitin 2020 dhe 2022.
