Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Parashqevi Simaku në spital psikiatrik, Elton Iliriani tregon si paraqitet gjendja e saj: Po përmirësohet! Vizitat lejohen vetëm me aprovimin e familjarëve
b.zPërditësimi i fundit 23 Janar 2025, 07:41
Parashqevi Simaku
TIRANË - Biznesmeni shqiptar, Elton Ilirjani ka dhënë së fundmi më tepër detaje në lidhje me gjendjen shëndetësore të këngëtares së njohur Parashqevi Simaku, e cila vijon të jetë e shtruar prej disa javësh në spital psikiatrik. Ilirjani, në një video të publikuar në rrjetet sociale është shprehur se ai e ka takuar Parashqevinë në spital dhe gjendja është shumë më mirë, në krahasim me ditën kur është paraqitur. Më tej ai është shprehur se vizitat lejohen vetëm me aprovimin e familjarëve të Parashqevisë, dhe pa aprovimin e tyre askush s'mundet ta takojë.
“Sapo kam dalë nga një takim me Parashqevi Simakun në spital dhe ajo ishte shumë më mirë se herët e tjera dhe vihet re ndryshimi i saj. Nuk është se është në momentin e saj më të mirë dhe çdo gjë do të jetë më mirë kur të lerë spital, por në krahasim me ditën e parë kur u paraqit në spital ajo është shumë më mirë.
Për arsye që janë të kuptueshme, unë nuk kam ndarë me ju vendndodhjen e saj sepse familja ka zgjedhur që kjo është konfidenciale. Ajo më tha se dy infermiere me origjinë shqiptare e kanë takuar… më tha se ishin shumë pozitive dhe kishin dëshirë për ta ndihmuar, por kur fola me familjarët e saj të ngushtë ata nuk i aprovojnë këto vizita, për të ruajtur privatësinë e saj.
U bëj thirrje dy zonjave që të mos e takojnë më, dhe nga tani vizitat do të kontrollohen nga familjarët sepse është një shkelje e privatësisë së pacientit. E përsëris që Parashqevia më tha se takimi ishte dashamirës, por familjarët nuk i pranojnë. Nëse doni ta takoni duhet të kërkoni leje nga familjarët, djalit të saj, vëllait, nipit dhe mbesës. Në rast të kundërt do të marrim masa, dhe nuk do doja të kishim përplasje ligjore. Nuk do doja të isha në mes të kësaj situate, janë familjarët që vendosin dhe ne duhet t’i respektojmë ata. Këto janë çështje me shumë zarar dhe mund t’ju kushtojnë shumë.
Ta mbyllim me diçka pozitive, Parashqevia po bëhet mirë dhe kam besim që për pak javë mund t’i kthehet jetës në shtëpi dhe gradualisht të rehabilitohet. Gradualisht aty do më lindë dhe mua puna që bashkë me të të bëjmë një art të jashtëzakonshëm bashkë”, u shpreh ai.
