Kryeministri në detyrë i Kosovës, Albin Kurti, ka reaguar ndaj ceremonisë me nderime shtetërore të organizuar në Serbi p&eu...
AKTUALITET
Policia italiane arreston 83 persona që ishin në kërkim me dënim total 500 vite burg! Shumë prej tyre shqiptarë
PiranjatPërditësimi i fundit 26 Janar 2026, 11:54
Italia ka nisur një “gjueti” të madhe ndaj personave të kërkuar për krime të ndryshme dhe kryesisht narkotrafikut.
Nga viti i kaluar kur mori jetë projekti “Të kërkuarit”, janë arrestuar deri tani të paktën 83 persona, një pjesë e madhe e tyre shtetas shqiptarë. Totali i dënimeve që kanë të arrestuarit shkon në 500 vite burgim, informon media italiane.
Madje dy operacionet e fundit të drejtësisë italiane lidhen me arrestimin apo ekstradimin e 2 bosëve shqiptarë të drogës, njëri prej të cilëve u kap në Dubai të Emirateve të Bashkuara Arabe dhe tjetri që kërkohej prej dy dekadash dhe i dënuar me 21 vite burg (foto kryesore).
“Projekti “Wanted”, i koordinuar nga Drejtoria Qendrore Kundër Krimit dhe Shërbimi Qendror i Operacioneve, çoi në arrestimin e 83 të arratisurve , me dënime totale të mbetura që arrijnë në afërsisht 500 vjet burgim. Nga të arrestuarit, 29 iu nënshtruan masave paraprake dhe 54 masave përfundimtare”, informon media e vendit fqinj.
Operacioni, i cili filloi në janar 2025, përdori një model të integruar me ekipe mobile, SISCO, mjete teknologjike, inteligjencë dhe bashkëpunim ndërkombëtar.
Arrestimet e fundit përfshijnë një burrë shqiptar në arrati që nga viti 2000, i dënuar me 21 vjet burg për trafik ndërkombëtar droge, i cili u kthye në Itali pasi u arrestua në Shqipëri. Si dhe 39-vjeçari që u arrestua javën e kaluar në Dubai, teksa kishte ftuar gruan dhe familjen për të festuar Vitin e Ri, lëvizjet e të cilëve dhe përgjimet çuan në lokalizim.
Kjo iniciativë thekson efektivitetin e bashkëpunimit midis policisë italiane dhe partnerëve ndërkombëtarë në luftën kundër krimit të organizuar.
