Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
AKTUALITET
''Si në mesjetë''/ Qytetari denoncon: Rruga në Hondisht të Pogradecit e mbuluar nga balta, nuk dalim dot as për të marrë ushqime
Piranjat NewsPërditësimi i fundit 6 Shkurt 2026, 11:52
Teksa kryeministri flet për ëndrrën e madhe të anëtarësimit në BE, fshatrat në Shqipëri janë lënë në harresë të madhe.
Një qytetar ka denoncuar në redaksinë e Piranjave gjendjen skandaloze dhe alarmante të rrugës në fshatin Hondisht të bashkisë Pogradec.
Në videon e dërguar në redaksinë tonë, rruga duket pothuajse e pakalueshme, e mbuluar nga balta dhe plot me gropa të mbushura me ujë.
Qytetari shkruan se kjo është kthyer në një pengesë serioze për lëvizjen, duke shtuar se nuk dalin dot as për të marrë ushqime.
Ndërkohë këtë rrugë e frekuentojnë dhe nxënës që do duhet të shkojnë çdo ditë në shkollë.
E teksa banorët përballen me këto kushte, bashkia mesa duket është në ''gjumë’’.
Ky fshat ndodhet rreth 8 kilometra nga autostrada Qukës-Qafë Plloçë, një investim ky miliona euro, por që shpesh ka rezultuar problematik, pasi rruga ka pasur disa herë bllokime për shkak të rrëshqitjes së dherave.
Ky nuk është denoncim i parë që tregon braktisen e madhe që qeveria i ka bërë fshatit, duke mos investuar as në gjërat bazike siç është rruga.
Kush mban përgjegjësi nëse banorët nuk marrin dot as shërbim mjekësor në kohën e duhur dhe kush mban përgjegjësi për nxënësit që nuk do mund të frekuentojnë dot shkollën për shkak të rrugës./PiranjatNews
Denoncimi i qytetarit
Mgjes, ndodhet në fshatin Hondisht te Pogradecit, 8 kilometra larg autostrades qukes-qafe plloc, me zor po dalim me kafshët per te marr ushqime për familjen
