Ditën e sotme vendi do të përfshihet nga një valë të nxehti, me temperatura që do të rriten ndjeshëm në shumic...
AKTUALITET
Skandal në Spitalin e Korçës/ Punonjësit denoncojnë vonesa pagash: Tallen me ne dhe nuk jep përgjigje askush
PiranjatPërditësimi i fundit 5 Maj 2026, 16:43
Një denoncim i fortë ka ardhur nga Spitali i Korçës, ku punonjësit akuzojnë administratën për abuzime të vazhdueshme me pagat dhe shkelje të hapura të të drejtave të tyre. Sipas tyre, kjo situatë nuk është e re, por një problem i hershëm që vazhdon pa asnjë zgjidhje konkrete.
“Problemi i rrogave ka qenë gjithmonë në këtë spital”, shprehet denoncuesi për Piranjat news, duke theksuar se pagesat kalojnë “sipas qejfit të administratës”, me justifikime të vazhdueshme për vonesat.
Një tjetër akuzë e rëndë lidhet me mungesën e transparencës dhe kontratave të punës. Sipas tyre, nuk u janë dhënë kopje të kontratave edhe kur i kanë kërkuar, ndërsa nuk marrin asnjë sqarim mbi mënyrën se si llogariten pagat.
Situata bëhet edhe më alarmante me vonesat konkrete: “Nuk na e kanë kaluar sërish pagën e muajit prill, sot dt 5 maj siç e parashikon kontrata e punës.” Për më tepër, ata pretendojnë se pagesat janë më të ulëta nga sa u takon, pa u bazuar në orët reale të punës, ditët festive apo pushimet zyrtare.
Punonjësit ngrenë shqetësimin nëse institucionet përgjegjëse do të reagojnë ndaj kësaj situate, apo do të “mbyllin sytë” përballë këtyre shkeljeve të rënda që prekin drejtpërdrejt jetesën dhe dinjitetin e tyre./Piranjat news
