Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
U arratis në Britani pasi plagosi me kallashnikov një person në Zenisht të Matit, si i shpëtoi ekstradimit 29-vjeçari shqiptar
r.llPërditësimi i fundit 5 Prill 2025, 11:52
isak buna
BRITANI- Një 29-vjeçar shqiptar që u arratis në Britaninë e Madhe pasi plagosi një person me kallashnikov, ka arritur t'i shpëtojë ekstradimit në Shqipëri.
Isak Buna, 29 vjeç, plagosi një burrë me një plumb rikoshet pasi qëlloi me breshëri në ajër gjatë një sherri. Ai i tha rivalit të tij: “Më shqetëso, atëherë do të mësosh kush jam unë. Unë do të të shkatërroj ty dhe gjithë familjen tënde.”
Pas kësaj ngjarje të vitit 2013 në Zenisht të Shqipërisë, Buna u dënua për kërcënime për vrasje dhe armëmbajtje pa leje në mungesë. 29-vjeçari u dënua me pesë vjet e katër muaj burg, por u arratis në Londër.
Pas njoftimit se ishte në kërkim ndërkombëtar nga autoritetet shqiptare, Buna u arrestua në janar nga policia e Britanisë së Madhe.
isak buna
Por pas arrestimit, autoritetet shqiptare u bllokuan nga ekstradimi i tij pasi avokatët e tij në gjykatën e magjistraturës së Westminster argumentuan se tani ishte tepër vonë për ta ndjekur penalisht, duke përdorur boshllëkun ligjor, shkruan The Sun.
Një zëdhënëse e Home Office tha: “Home Office ka punuar me Njësinë Kombëtare të Ekstradimit të Policisë Metropolitane për rastin e zotit Buna. Për shkak të ligjeve të parashkrimit në Shqipëri kërkesa për ekstradim u hoq."
Home Office nuk dha detaje nëse Buna po kërkonte azil apo i ishte dhënë leje për të qëndruar.
