Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
AKTUALITET
"Kisha thikën për të prerë bukën, e mora dhe e vrava", zbardhet dëshmia e ish-të dashurit të Ilarias! Kryebashkiaku i Ternit: Kërkoj dënimin me vdekje për feminicidin
m.lPërditësimi i fundit 5 Prill 2025, 10:38
ITALI- Detaje të reja kanë dalë në pah nga vrasja e 22-vjeçres shqiptare nga i dashuri i saj në Itali. Mark Samson, i dashuri i Ilaria Sulës, ka rrëfyer gjatë seancës gjyqësore se si dhe pse e ka kryer krimin makabër.
“I dërgova mëngjesin në shtrat kur ai mesazh erdhi në telefonin e saj. Dhe ajo më tha se po njihej dikë tjetër, e humba mendjen. Në tabaka ishte edhe thika për të prerë bukën, e mora dhe e vrava. Ajo vdiq menjëherë, nuk u mbrojt," deklaroi ai.
Mbrëmjen e 25 marsit, studentja shqiptare shkoi në via Homs, në lagjen afrikane të Romës, ku Mark jetonte me nënën dhe babanë e tij në një apartament 50 metra katrorë, për t’i kthyer disa rroba që i kishin mbetur. Ajo kishte qëndruar vonë dhe kështu vendosi të kalonte natën në shtëpinë e tij për të mos marrë transportin publik. Mark do ta vriste të nesërmen në mëngjes, të paktën sipas versionit të dhënë nga 23-vjeçari.
Mark rrëfeu se vrasja ka ndodhur për shkak të xhelozisë dhe se e ka pastruar gjithçka vetë. Një rikonstruksion, i cili megjithatë nuk i ka bindur hetuesit, ndërsa autori i vrasjes makabër nuk ka pranuar që t’u përgjigjet pyetjeve për praninë e prindërve të tij në shtëpi dhe rolin e tyre të mundshëm.
“Pasi e vrava, dola dhe shkova të blej detergjentë dhe disa lecka. Më pas e mbështjella trupin me celofan dhe e vendosa në dy qese të mëdha mbeturinash, njërën nga ana e kokës, tjetrën nga ana e këmbëve. E mbështolla, mora valixhen dhe e futa brenda. Kështu që vendosa valixhen jashtë derës së dhomës sime dhe fillova të pastroj njollat e gjakut. Në fund mbështolla gjithçka që kisha përdorur në një qilim, madje edhe thikën, dhe i hodha. Unë i bëra të gjitha vetë," tha ai.
Pas vrasjes makabër të studentes shqiptare 22-vjeçare, ka reaguar kryebashkiaku i Ternit dhe sekretar i Alternative Popular, Stefano Bandecchi, duke kërkuar dënim me vdekje për krimet e feminicidit dhe pedofilisë.
Përmes një video të postuar në faqen e tij në Instagram, ai i bën thirrje politikës dhe institucioneve përgjegjëse që të rikthejë dënimin me vdekje në Itali për këto dy krime.
“Kemi arritur në momentin që çdo ditë vritet një grua. Ai ka vrarë një grua me thikë e mbylli në valixhe, pastaj është penduar dhe ka rrëfyer. Është e papranueshme. I kërkoj politikës, shtetit italian që të rikthejë dënimin me vdekje në Itali për dy krime; feminicidin dhe pedofolinë. Më vjen keq por dënimi me vdekje është e vetmja zgjidhje”, thotë ndër të tjera në video kryebashkiaku i Ternit.
