Është rënduar ndjeshëm qarkullimi në aksin Kavajë-Rrogozhinë, në drejtim të Jugut të vendit, ku automjetet j...
AKTUALITET
U kthye për të festuar ditëlindjen e vajzës, burri nga Gramshi e vr*u në praninë të saj! Detaje nga ngjarja tragjike në Greqi
PiranjatPërditësimi i fundit 26 Gusht 2026, 17:07
Gruaja shqiptare 44-vjeçare nga Gramshi ishte kthyer në Rodopi të Greqisë për të festuar ditëlindjen e vajzës së saj të mitur. Atje ajo gjeti vdekjen tragjike nga dora e ish-bashkëshortit të saj, i cili e goditi me thikë dhe më pas tentoi të vetëvritej.
Sipas informacioneve të medias lokale Chronos, 53-vjeçari Bujar Meco dhe 44-vjeçarja Esma Meco ishin të ndarë prej një periudhe.
Gruaja punonte në mënyrë sezonale jashtë Rodopit dhe ishte kthyer në fshat me rastin e ditëlindjes së vajzës së tyre 16-vjeçare.
Sipas informacioneve, 53-vjeçari e goditi gruan me thikë në pjesën e sipërme të qafës, duke i shkaktuar vdekjen. Më pas ai plagosi veten dhe konsumoi një lëng, që dyshohet se mund të ketë qenë naftë.
Në momentin e ngjarjes, në shtëpi ndodhej edhe vajza 16-vjeçare, e cila ishte në një dhomë tjetër dhe ishte ajo që njoftoi autoritetet se babai i saj kishte sulmuar nënën.
Sipas Chronos, gruaja u transportua nga njëri prej djemve të saj në Spitalin e Përgjithshëm të Komotinës, por ajo kishte ndërruar jetë. Pritet kryerja e autopsisë.
Hetimet paraprake po kryhen nga Departamenti për Hetimin dhe Zbulimin e Krimeve në Komotini.
Autori i dyshuar ndodhet jashtë rrezikut për jetën dhe po trajtohet nën masa të rrepta sigurie në spitalin “Sismanoglio”.
Bëhet e ditur se në vitin 2022, në Heraklion të Kretës, 53-vjeçari ishte arrestuar në flagrancë, pasi ishte akuzuar për kërcënim brenda familjes ndaj viktimës.
Njoftimi i Policisë
Në mesditën e sotme, 26 gusht 2026, në një vendbanim të Rodopit u arrestua një shtetas i huaj, i cili akuzohet për vrasjen e bashkëshortes së tij.
Ndaj të arrestuarit është ngritur dosje penale nga Departamenti për Hetimin dhe Zbulimin e Krimeve në Komotini, për vrasje me dashje, dhunë në familje dhe shkelje të ligjit për armët.
Më konkretisht, në mesditën e 26 gushtit 2026, një grua e huaj u gjet nga një familjar brenda banesës së saj, në një vendbanim të Rodopit, me plagë të shkaktuara nga një objekt i mprehtë. Ajo u transportua në spitalin e Komotinit, ku u konstatua vdekja e saj.
Menjëherë, policia ndërmori veprime të koordinuara dhe kreu këqyrjen e vendit ku ndodhi krimi. Si rezultat, u arrestua edhe bashkëshorti i saj, po ashtu shtetas i huaj, i cili dyshohet se e ka plagosur me thikë dhe më pas ka plagosur veten. I dyshuari u transportua me ambulancë në spital, ku po qëndron i shtruar nën mbikëqyrjen e policisë.
Policia thekson se në vitin 2022, në Heraklion të Kretës, i dyshuari ishte arrestuar në flagrancë për kërcënim brenda familjes ndaj viktimës.
Nga vendi i ngjarjes u sekuestruan dy thika. Hetimet paraprake po kryhen nga Departamenti për Hetimin dhe Zbulimin e Krimeve në Komotini. /PiranjatNews/
