Ditën e sotme vendi ynë do të ndikohet nga kushte atmosferike të paqëndrueshme.
Moti parashikohet me vranësira mesatare dhe t&e...
AKTUALITET
U kujtuan pas vrasjes së Astrit Kalasë/ Kreu i Gardës inspekton sigurinë, por atë të GJKKO-së, jo të Apelit
PiranjatPërditësimi i fundit 10 Tetor 2025, 10:20
Pas mbledhjes së jashtëzakonshme me 260 gjyqtarë që u zhvillua ditën e djeshme, komandanti i Gardës së Republikës, Simon Zereci, ka inspektuar ambientet e GJKKO-së.
Ai zhvilloi një takim me kryetarin e GJKKO-së, Erion Bani, për të diskutuar mbi gjendjen aktuale të sigurisë në gjykatë, si dhe pritet të kryejë një inspektim të plotë të ambienteve.
Ky zhvillim vjen një ditë pasi kryetari Bani, gjatë mbledhjes së përgjithshme të gjyqtarëve, kërkoi inspektime të menjëhershme në të gjitha ambientet e gjykatave.
Ai theksoi nevojën për të evidentuar çdo problematikë, përfshirë edhe ankesat apo shqetësimet e gjyqtarëve dhe stafit, të cilat lidhen me sigurinë gjatë ushtrimit të detyrës.
Ky hap i komandantit të Gardës së Republikës vjen po ashtu pas vrasjes makabre të gjyqtarit Astrit Kalaja ditën e hënë brenda sallës së Gjykatës së Apelit nga Elvis Shkambi.
Si duket, u desh që të ndodhte një tragjedi, që institucionet të vendoseshin në lëvizje për të kontrolluar sigurinë në gjykata edhe pse duhet theksuar se sërish kontrollet janë duke u bërë në GJKKO dhe mbetet për t’u parë se si do të veprohet në vazhdim me gjykatat e tjera në vendin tonë.
