Kancelari i Gjermanisë, Friedrich Merz , ka akuzuar partinë e ekstremit të djathtë Alternative für Deutschland (AfD) se kërkon &...
AKTUALITET
U vra në Itali, i riu shqiptar do të festonte ditëlindjen e 30-të në prill, arrestohet autori
PiranjatPërditësimi i fundit 21 Mars 2026, 17:05
Është arrestuar gjatë natës nga Policia e Shtetit autori i dyshuar i vrasjes që ndodhi mbrëmjen e djeshme vonë përgjatë rrugës Via Romana, pranë nyjës së Olmos, në Arezzo. Bëhet fjalë për një shtetas shqiptar, pak më shumë se 30 vjeç, pa precedentë penalë dhe banues prej vitesh në qytet, i akuzuar për vrasje me dashje dhe mbajtje pa leje të armës së zjarrit.
Alarmi është dhënë rreth orës 23:40, kur një telefonatë në numrin e emergjencës 112 sinjalizoi shpërthimin e disa të shtënave me armë zjarri.
Në vendngjarje, pikërisht përballë restorantit Chez Vous, ndërhynë menjëherë patrullat e Policisë së Shtetit së bashku me personelin shëndetësor, të cilët gjetën Gjergj Pergegajn të plagosur rëndë.
I riu shqiptare festonte 30-vjetorit më 19 prill dhe banonte prej vitesh në Frassineto, në komunën e Arezzo-s. Të parët që dhanë ndihmën në vendngjarje ishin ekipet e Kryqit të Kuq të Arezzo-s, të cilët, duke kaluar rastësisht aty me një pacient në gjendje jo të rëndë, u ndalën. Pak më vonë mbërriti edhe ambulanca.
Pavarësisht përpjekjeve për reanimim, për të riun nuk pati asgjë për të bërë. Ai ndërroi jetë në vend, i goditur nga më shumë se një plumb, “ndoshta katër ose pesë”, siç pranon shefi i policisë, Davide Comito, i cili tha se me “me siguri dy plumba e kanë goditur viktimën në kraharor dhe në qafë”, duke i shkaktuar vdekjen.
