Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
VIDEO/ “Qumështin po e hedhim në kanal”, fermerët: Jemi duke falimentuar
Nga Xhuljan FerzajPërditësimi i fundit 14 Mars 2026, 19:06
Prej njëmbëdhjetë ditësh, blegtorët në njësinë administrative Levan të Fierit, po përballet me një situatë tepër të vështirë ekonomike.
Sasi të mëdha qumështi, kanë mbetur stok, pasi fabrikat e përpunimit kanë refuzuar ta grumbullojnë, duke pretenduar se në të është zbuluar prani e alfatoksinës.
“Dorëzuam sasinë e qumëhtit në mëngjes, në drek na morën në telefon dhe na thanë se ka përmbajtje të lartë alfatoksine, nuk do të blejmë nesër. Kur i bënë analizat tek pika e grumbullimit, analizat del 007, kur i dërgojmë tek privati dalin 005.
Qumështin e grumbullon fabrika e Erzenit, që nga data 11 ne e hedhim qumështin në kanal, nuk kemi zgjidhje tjetër. Prodhoj 780 litra qumësht në ditë, e gjitha shkon dëm.
Po shes bagëtitë, sepse qumështin nuk e marrin, vetëm këtë muaj humba 5 milionë lekë, punëtorët nuk i paguaj dot”, tha fermeri.
Dëmi ekonomik është i madh tek fermerë, të ardhurat e tyre i krijojnë nga shitja e qumështit. Mungesa e tregut po i çon në prag të falimentimit, disa prej tyre nuk munden të paguajnë punëtorët.
Ata apelojnë që të gjendet një zgjidhje për shitjen e qumështit, pasi kompania ku ata e shesin, nuk e merr prodhinin e tyre me pretendimin se ka alfatoksinë më tepër se përqindja normale./Piranjat News
