Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Katastrofë natyrore, 23 të vdekur pas reshjeve të dendura dhe stuhive tropikale
PiranjatPërditësimi i fundit 11 Tetor 2025, 12:28
Meksika po përballet me një katastrofë natyrore, ku të paktën 23 persona kanë humbur jetën si pasojë e reshjeve të dendura që përfshinë thuajse të gjithë vendin gjatë fundjavës që lamë pas, njoftuan autoritetet.
Shërbimi i Mbrojtjes Civile të Meksikës raportoi se reshje intensive kanë goditur 31 nga 32 shtetet e vendit. Zonat më të goditura nga kjo mot i ashpër kanë qenë shteti i Veracruz në lindje, Querétaro dhe Hidalgo në qendër, si dhe San Luis Potosí në veri-qendër të Meksikës.
Në shtetin Hidalgo janë regjistruar 16 viktima, dhe rreth 1,000 shtëpi janë dëmtuar nga përmbytjet dhe rrëshqitjet e dheut. Po ashtu, shteti Puebla ka raportuar 5 viktima, ndërsa 11 persona janë ende të zhdukur. Një fëmijë ka humbur jetën në Veracruz dhe një oficer policie është raportuar i vdekur në Querétaro.
Koordinatorja Kombëtare e Mbrojtjes Civile, Laura Velázquez, ka konfirmuar se janë regjistruar rrëshqitje dheu dhe shembje rrugësh, ndërsa lumenjtë janë dalë nga shtrati, duke shkaktuar përmbytje masive.
Pas takimit me zyrtarët lokalë, presidentja e Meksikës, Claudia Sheinbaum, theksoi se autoritetet po punojnë pa ndërprerje për të ndihmuar popullsinë e prekur, duke riparuar rrugët dhe rikthyer furnizimin me energji elektrike. Ushtria e Meksikës është angazhuar me mbi 5,400 trupa dhe pajisje shpëtimi për të asistuar në shpërndarjen e ndihmave dhe evakuimin e banorëve të prekur.
Ndërkohë, Meksika është përballur me kushte ekstreme të motit dhe përmbytje rekord në vitin 2025, me një nivel reshjesh që ka shënuar rekorde në kryeqytetin Meksiko Siti. Po ashtu, stuhia tropikale Raymond, e cila ka goditur brigjet e Paqësorit, ka shkaktuar dëme të tjera në shtetet Chiapas, Guerrero, Oaxaca dhe Michoacán. Sipas Qendrës Kombëtare të Uraganeve të SHBA-së, stuhia pritet të lëvizë në drejtim të jugut të gadishullit Baja California gjatë fundjavës.
Dëmet e shkaktuara nga reshjet dhe stuhitë tropikale kanë lënë pas shumë familje të pastreha, ndërsa autoritetet po bëjnë thirrje për ndihmë ndërkombëtare dhe bashkëpunim në përpjekjet e shpëtimit.
