Kryeministri Edi Rama promovoi dje me bujë të madhe 40 makinat e para ushtarake, sipas tij të prodhuara në Shqipëri, nga partneriteti...
BOTA
38-vjeçarja gjendet brenda një valixheje në Athinë, celulari i saj përdorej që të dukej se ishte gjallë
PiranjatPërditësimi i fundit 31 Korrik 2026, 23:27
Detaje të reja janë zbuluar për rastin tragjik në Greqi, lidhur me gjetjen e trupit të dekompozuar të një 38-vjeçares britanike Elisabeth Ross brenda një valixheje.
Sipas medias greke Protothema, telefoni i viktimës është përdorur nga persona të tretë për të kamufluar ngjarjen dhe për të krijuar bindjen se e reja ishte ende gjallë.
Gjithashtu, ndërtesa ku u gjet viktima tashmë po mendohet edhe si vendi ku mund të ketë ndodhur krimi.
“Telefoni po përdorej. Madje po dërgoheshin edhe mesazhe me tekst, me sa duket me qëllimin për t’i bërë njerëzit të besonin se ajo ishte ende gjallë. Po e trajtojmë ndërtesën si vendngjarje krimi”, i tha gazetës një oficer policie greke.
38-vjeçarja Elisabeth Ross, me origjinë nga Skocia, kishte udhëtuar për në Evropë nga Shtetet e Bashkuara më 29 qershor, nëpërmjet Qipros, dhe më pas shkoi në Athinë, ku po qëndronte me miqtë.
Ajo u pa e gjallë për herë të fundit më 15 korrik, pak para kohës së parashikuar të krimit.
Kujtojmë se trupi u gjet brenda një valixheje, më 18 korrik, në një ndërtesë të braktisur në Kypseli. Kjo valixhe u gjet nga një i pastrehë, i cili njoftoi autoritetet.
Burri ndodhej në këtë zonë pasi po kërkonte një vend për t’u strehuar, por ndjeu një erë të fortë e të pakëndshme. Kështu, duke ndjekur aromën, ai gjeti valixhen, nga e cila dukej një këmbë njeriu. Pas kësaj, ai njoftoi menjëherë policinë.
Trupi ishte i mbështjellë me një qese dhe ishte futur me forcë brenda valixhes, por nuk janë konstatuar plagë apo shenja të dukshme dhune.
