Ndërsa bota po nxiton drejt një epoke tërësisht të digjitalizuar, Shqipëria po mbetet pas, duke shënuar nivelet më t&e...
BOTA
Bill Gates: Kompanitë që zëvendësojnë punëtorët me robotë duhet të paguajnë të njëjtat taksa
PiranjatPërditësimi i fundit 1 Tetor 2026, 23:26
Bill Gates ka hedhur idenë që robotët që zëvendësojnë punëtorët njerëzorë të taksohen, në mënyrë që të sigurohen të ardhura për sistemet sociale dhe të mbështeten qytetarët që mund të humbin vendet e punës për shkak të inteligjencës artificiale.
Në një intervistë për “The New York Times”, Gates tha se shoqëria duhet të përcaktojë mënyrën se si do të mbështeten punëtorët në një kohë kur IA dhe robotika po ndryshojnë tregun e punës.
“Ju përcaktoni një njësi pune dhe thoni, pavarësisht nëse kjo ofrohet nga një njeri apo robot, ju po paguani të njëjtën taksë FICA që do të paguante një punëtor njerëzor”, tha Gates.
FICA është një taksë mbi pagat në SHBA që financon programe si Sigurimet Shoqërore dhe Medicare, me kontribute nga punëtorët dhe punëdhënësit.
Sipas Gates, një skemë e tillë do të mund të krijonte të ardhura tatimore për qeverinë dhe një rrjet sigurie për njerëzit që mund të preken nga automatizimi.
Bashkëthemeluesi i Microsoft ka paralajmëruar edhe më herët për ndikimin e inteligjencës artificiale dhe robotikës në tregun e punës, veçanërisht në profesionet e ashtuquajtura “me jakë të bardhë”.
