Dashi
Do merrni fryme lirisht gjate gjithë kësaj dite dhe gjerat kane për te ecur për mrekulli mes jush dhe atij qe keni ne krah. B...
BOTA
Bomba molotov drejt Parlamentit serb, militantët e Vuçiç sulmojnë nënën e një prej viktimave të Novi Sadit
PiranjatPërditësimi i fundit 3 Nëntor 2025, 08:39
Tensione të ashpra janë shënuar përpara parlamentit të Serbisë, ku mesditën e sotme nisi grevën e urisë Diana Hrka, nëna e një prej viktimave të tragjedisë së Novi Sadit.
Situata u përkeqësua kur mbështetës të presidentit Aleksandar Vuçiç, që ndodhen në kampin e ngritur para tetë muajsh në Bulevardin përballë Parlamentit, filluan të hedhin sende dhe fishekzjarrë drejt grupit kundërshtar të protestuesve që po qëndronin në vend për t’i shprehur mbështetje Dianës Hrka.
Policia është vendosur mes dy grupeve, por pa ndërhyrë aktivisht dhe pa bërë përpjekje për të ndaluar sulmet nga dy grupet.
Ndërkohë, studentë dhe qytetarë po mbërrijnë në vend për t’i dhënë përkrahje grevistes së urisë.
Të ashtuquajturit “besnikë” të Vuçiçit, siç quhen personat që qëndrojnë në atë kamp “të pazakontët”, po e ofendojnë Dianën Hrka me fyerje dhe shprehje vulgare, ndërsa nga ana tjetër protestuesit që e mbështesin atë thërrasin “vrasës, vrasës” dhe brohorasin kundër Aleksandar Vuçiçit.
Diana Hrka nisi grevën e urisë duke kërkuar drejtësi për vdekjen e të birit 27-vjeçar, Stefanit, dhe të 15 personave të tjerë që humbën jetën në atë ngjarje tragjike. Ajo e njoftoi vendimin të shtunën, gjatë manifestimit të madh në Novi Sad, organizuar për të shënuar njëvjetorin e tragjedisë në stacionin hekurudhor.
“Dua të di kush vrau djalin tim, kush vrau 16 njerëz. Dikush duhet të mbajë përgjegjësi për këtë,” deklaroi Diana Hrka, duke shpallur fillimin e grevës së saj të urisë.
